ಮಲ್ಪೆ ಮೀನುಗಾರರ ಮೇಲೆ ದಾಳಿ ಪ್ರಕರಣ: ಕಠಿಣ ಕ್ರಮ ಕೈಗೊಳ್ಳುವಂತೆ ಪೊಲೀಸರಿಗೆ ದೂರು

ಮಲ್ಪೆಯಿಂದ ತೆರಳಿದ್ದ ನಾಲ್ಕು ಬೋಟುಗಳ ಮೇಲೆ ಮಹಾರಾಷ್ಟ್ರದಿಂದ 40 ಕಿಮೀ ದೂರದ ಸಮುದ್ರ ಮಧ್ಯದಲ್ಲಿ ಅಲ್ಲಿನ ಮೀನುಗಾರರು ದಾಳಿ ಮಾಡಿದ್ದರು. ಕಷ್ಟ ಪಟ್ಟು ಹಿಡಿದಿದ್ದ ಸುಮಾರು ಎಂಟು ಲಕ್ಷ ಮೌಲ್ಯದ ಮೀನನ್ನು ದೋಚಿಕೊಂಡು ಹೋಗಿದ್ದರು. ಈ ಪ್ರಕರಣ ಸಂಬಂಧ  ಮಲ್ಪೆ ಕರಾವಳಿ ಕಾವಲು ಪಡೆ ಹಾಗೂ ಮಲ್ಪೆ ಪೊಲೀಸರಿಗೆ ಸ್ಥಳೀಯ ಮೀನುಗಾರರು ದೂರು ನೀಡಿದ್ದಾರೆ.

ಉಡುಪಿ: ಮಲ್ಪೆಯಿಂದ ಮೀನುಗಾರಿಕೆಗೆ ತೆರಳಿದ್ದ ಆಳ ಸಮುದ್ರ ಬೋಟುಗಳ ಮೇಲೆ ಮಹಾರಾಷ್ಟ್ರ ಮೀನುಗಾರರು ದಾಳಿ ಮಾಡಿ ಮೀನು ದೋಚಿರುವ ಘಟನೆ ಗಂಭೀರ ಸ್ವರೂಪ ಪಡೆದುಕೊಂಡಿದೆ.

ಮಲ್ಪೆಯಿಂದ ತೆರಳಿದ್ದ ನಾಲ್ಕು ಬೋಟ್​​ಗಳ ಮೇಲೆ ಮಹಾರಾಷ್ಟ್ರದಿಂದ 40 ಕಿಮೀ ದೂರದ ಸಮುದ್ರ ಮಧ್ಯದಲ್ಲಿ ಅಲ್ಲಿನ ಮೀನುಗಾರರು ದಾಳಿ ಮಾಡಿದ್ದರು. ಕಷ್ಟ ಪಟ್ಟು ಹಿಡಿದಿದ್ದ ಸುಮಾರು ಎಂಟು ಲಕ್ಷ ಮೌಲ್ಯದ ಮೀನುಗಳನ್ನ ದೋಚಿಕೊಂಡು ಹೋಗಿದ್ದರು. ಈ ಪ್ರಕರಣ ಸಂಬಂಧ ಮಲ್ಪೆ ಕರಾವಳಿ ಕಾವಲು ಪಡೆ ಹಾಗೂ ಮಲ್ಪೆ ಪೊಲೀಸರಿಗೆ ಸ್ಥಳೀಯ ಮೀನುಗಾರರು ದೂರು ನೀಡಿದ್ದಾರೆ.

ಸಮುದ್ರ ಮದ್ಯದಲ್ಲಿ ಕರ್ನಾಟಕದ ಮೀನುಗಾರರ ಮೇಲೆ ಪದೇ ಪದೇ ದಾಳಿ ನಡೆಯುತ್ತಿದ್ದು, ಕಠಿಣ ಕ್ರಮ ಜರುಗಿಸುವಂತೆ ಮೀನುಗಾರರು ಒತ್ತಾಯಿಸಿದ್ದಾರೆ.