ಉಡುಪಿಯಲ್ಲಿ ಇಂದು 45 ಮಂದಿಗೆ ಕೊರೊನಾ ಪಾಸಿಟಿವ್​

ಉಡುಪಿಯಲ್ಲಿ ಇಂದೂ ಸಹ ಕೊರೊನಾ ಅಬ್ಬರ ಮುಂದುವರೆದಿದೆ. ಜಿಲ್ಲೆಯಲ್ಲಿ ಒಟ್ಟು 45 ಮಂದಿಗೆ ಪಾಸಿಟಿವ್ ಬಂದಿದ್ದು, ಅದರಲ್ಲಿ 44 ಜನ ಮುಂಬೈನಿಂದ ಬಂದಿದವರಾಗಿದ್ದಾರೆ.

ಉಡುಪಿ:ಉಡುಪಿಯಲ್ಲಿಂದು 45 ಮಂದಿಗೆ ಕೊರೊನಾ ಪಾಸಿಟಿವ್ ಪತ್ತೆಯಾಗಿದೆ ಎಂದು ಜಿಲ್ಲಾಧಿಕಾರಿ ಜಿ.ಜಗದೀಶ್ ಹೇಳಿದ್ದಾರೆ.

45 ಜನರ ಪೈಕಿ 44 ಜನ‌ ಮುಂಬೈನಿಂದ ಬಂದವರಾಗಿದ್ದಾರೆ. ಓರ್ವ ಸ್ಥಳೀಯ ಮಗುವಿಗೂ ಪಾಸಿಟಿವ್ ಬಂದಿದೆ, ಇದು ಪಾಸಿಟಿವ್ ಬಂದಿದ್ದ ಲ್ಯಾಬ್ ಟೆಕ್ನಿಷಿಯನ್ ಅವರ ಮಗುವಾಗಿದೆ.

ಇಂದು 30 ಪುರುಷರು, 11 ಮಹಿಳೆಯರು ಮತ್ತು 4 ಮಕ್ಕಳಿಗೆ ಪಾಸಿಟಿವ್ ಬಂದಿದೆ. ಹೊರರಾಜ್ಯಗಳಿಂದ ಬಂದವರ ಟೆಸ್ಟ್ ಇಂದಿಗೆ ಮುಕ್ತಾಯಗೊಳ್ಳುತ್ತಿದೆ ಎಂಬುದು ಸಮಾಧಾನದ ವಿಷಯ. ಇವತ್ತೂ ಕೂಡ 113 ಮಂದಿ ಗುಣಮುಖರಾಗಿ ಡಿಸ್ಚಾರ್ಜ್ ಆಗಿದ್ದಾರೆ. ಈತನಕ 387 ಜನ ಗುಣಮುಖರಾಗಿರುವುದು ಸಂತಸದ ಸಂಗತಿ ಅಂತಾ ಜಿಲ್ಲಾಧಿಕಾರಿ ಜಿ.ಜಗದೀಶ್​​ ತಿಳಿಸಿದ್ದಾರೆ.