ತುಮಕೂರು: ಹೆಚ್ಚುತ್ತಿರುವ ತಾಪಮಾನ, ಪ್ರಾಕೃತಿಕ ವಿಕೋಪಕ್ಕೆ ಕಾರಣವಾಗಿರುವ ಪರಿಸರ ನಾಶವನ್ನು ತಪ್ಪಿಸಲು ಸಿದ್ಧಗಂಗಾ ಮಠ ಮುಂದಾಗಿದೆ. ಅಖಿಲ ಭಾರತ ವೀರಶೈವ ಮಹಾಸಭಾದ ಯುವ ಘಟಕದ ವತಿಯಿಂದ 'ಶ್ರೀ ಸಿದ್ದಗಂಗಾ ಅರಣ್ಯ' ಎಂಬ ವಿನೂತನ ಕಾರ್ಯಕ್ರಮ ಜಾರಿಗೊಳಿಸಲಾಗಿದೆ.
ಸಿದ್ದಗಂಗಾ ಅರಣ್ಯ ಕಾರ್ಯಕ್ರಮ ಆರಂಭ
ಪರಿಸರ ಕಾಳಜಿಗೆ ಮುಂದಾಗಿರುವ ಅಖಿಲ ಭಾರತ ವೀರಶೈವ ಮಹಾಸಭಾ ರಾಜ್ಯ ಯುವ ಘಟಕ ಹಾಗೂ ಮಹಿಳಾ ಘಟಕಗಳ ಸಹಕಾರದಿಂದ ವಿನೂತನವಾಗಿ ವೃಕ್ಷಾರೋಹಣ ಅಭಿಯಾನ ಆರಂಭವಾಗಿದೆ. ಇದರ ಅಂಗವಾಗಿ ಗಿರಿಶಿಖರಗಳಿಗೆ ಹೊಂದಿಕೊಂಡಂತಿರುವ ಮಠದ ಜಮೀನಿನಲ್ಲಿ ಸಸಿ ನೆಡುವ ಮೂಲಕ ಸಿದ್ದಲಿಂಗ ಸ್ವಾಮೀಜಿ ವಿನೂತನ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.