ಪಾವಗಡ ಬಸ್​ ದುರಂತ.. ಮೃತ ಸಹೋದರಿಯರಿಬ್ಬರ ಅಂತ್ಯಕ್ರಿಯೆಯಲ್ಲಿ ಮುಗಿಲುಮುಟ್ಟಿತು ಆಕ್ರಂದನ

ಶನಿವಾರ ಪಾವಗಡದಲ್ಲಿ ನಡೆದ ಖಾಸಗಿ ಬಸ್​​ ದುರಂತದಲ್ಲಿ ಸಹೋದರಿಯರಿಬ್ಬರು ಮೃತಪಟ್ಟಿದ್ದರು. ಇಂದು ಅವರ ಅಂತ್ಯಕ್ರಿಯೆಯನ್ನು ನೆರವೇರಿಸಲಾಯಿತು.

ತುಮಕೂರು:ಪಾವಗಡದಲ್ಲಿ ಶನಿವಾರ ಸಂಭವಿಸಿದ ಖಾಸಗಿ ಬಸ್ ದುರಂತದಲ್ಲಿ, ಸಹೋದರಿಯರಿಬ್ಬರು ಮೃತಪಟ್ಟಿರುವ ದಾರುಣ ಘಟನೆ ನಡೆದಿದೆ. ಇಂದು ಇಬ್ಬರ ಅಂತ್ಯಕ್ರಿಯೆಯನ್ನು ಅಕ್ಕಪಕ್ಕದಲ್ಲೇ ನೆರವೇರಿಸಲಾಯಿತು. ಈ ವೇಳೆ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿತ್ತು.

ಪೋತಗನಹಳ್ಳಿಯಿಂದ ಪಾವಗಡಕ್ಕೆ ತೆರಳುತ್ತಿದ್ದ ಬಸ್​​ನಲ್ಲಿ ಸಹೋದರಿಯರಾದ ಅಮೂಲ್ಯ ಮತ್ತು ಹರ್ಷಿತಾ ತೆರಳುತ್ತಿದ್ದರು. ಅಪಘಾತ ನಡೆದ ಸಂದರ್ಭದಲ್ಲಿ ಸ್ಥಳದಲ್ಲಿಯೇ ಅಮೂಲ್ಯ ಮೃತಪಟ್ಟಿದ್ದಳು. ತೀವ್ರವಾಗಿ ಗಾಯಗೊಂಡಿದ್ದ ಹರ್ಷಿತಾ ಆಸ್ಪತ್ರೆಗೆ ಕರೆದುಕೊಂಡು ಹೋಗುವಾಗ ಸಾವನ್ನಪ್ಪಿದ್ದಳು. ಇವರಿಬ್ಬರು ಹನುಮಂತರಾಯ ಮತ್ತು ಲಕ್ಷ್ಮಿನರಸಿಂಹ ದಂಪತಿಯ ಮಕ್ಕಳಾಗಿದ್ದಾರೆ.

ಇದನ್ನೂ ಓದಿ:ಪಾವಗಡ ಬಸ್​ ಅಪಘಾತ : ಮೃತರ ಕುಟುಂಬಕ್ಕೆ 25 ಲಕ್ಷ ರೂ. ಪರಿಹಾರ ನೀಡಿ ಎಂದ ಹೆಚ್​ಡಿಕೆ

ಇಬ್ಬರು ಸಹೋದರಿಯರು ಸರ್ಕಾರಿ ಪದವಿಪೂರ್ವ ಕಾಲೇಜಿನಲ್ಲಿ ವಾಣಿಜ್ಯ ಶಾಸ್ತ್ರದಲ್ಲಿ ದ್ವಿತೀಯ ಪಿಯುಸಿ ವ್ಯಾಸಂಗ ಮಾಡುತ್ತಿದ್ದರು. ಇಂದು ಇಬ್ಬರ ಅಂತ್ಯಕ್ರಿಯೆಯನ್ನು ನಡೆಸಲಾಯಿತು. ಈ ವೇಳೆ ಕಿರಿಯ ಸಹೋದರ ತನ್ನ ಸಹೋದರಿಯರಿಬ್ಬರ ಸಾವನ್ನು ಕಂಡು ಅರಗಿಸಿಕೊಳ್ಳಲಾಗದೆ ತೀವ್ರವಾದ ದುಃಖದಲ್ಲಿರುವುದು ಕಂಡುಬಂತು.