ಮಗ - ಸೊಸೆ ಕಿರುಕುಳದಿಂದ ಮನೆಯಿಂದ ಹೊರಗಿದ್ದ ವೃದ್ದೆ: ವಾಪಸ್ ಗೂಡಿಗೆ ಸೇರಿಸಿದ ತಹಶೀಲ್ದಾರ್​

ಕೊರಟಗೆರೆ ತಾಲೂಕಿನ ಬುಡ್ಡಯ್ಯನಪಾಳ್ಯ ಗ್ರಾಮದಲ್ಲಿ ವಾಸವಿದ್ದ ದೊಡ್ಡ ಹನುಮಕ್ಕ ಅವರ ಮೂರನೇ ಮಗ ರಾಘು ಕೊರೊನಾ ಸಂದರ್ಭದಲ್ಲಿ ಬೆಂಗಳೂರಿನಿಂದ ವಾಪಸ್ ಮನೆಗೆ ಬಂದಿದ್ದರು. ಆದರೆ ಬಳಿಕ ವೃದ್ಧೆಯನ್ನು ಮನೆಯಿಂದ ಹೊರ ಹಾಕಿದ್ದರಂತೆ.

ತುಮಕೂರು: ತನ್ನ ಹೆಸರಿನಲ್ಲಿರುವ ಮನೆಯಿಂದಲೇ ನನಗೆ ಮಗ ಹೊರಗೆ ಹಾಕಿದ್ದಾರೆ ಎಂದು ಗೋಳಾಡುತ್ತಿದ್ದ ದೊಡ್ಡ ಹನುಮಕ್ಕ ಎಂಬ ವೃದ್ದೆಗೆ ಅವರ ಮನೆಯಲ್ಲಿಯೇ ವಾಸ ಮಾಡಲು ಕೊರಟಗೆರೆ ತಹಶೀಲ್ದಾರ್​ ನಹೀದಾ ಅವಕಾಶ ಮಾಡಿಕೊಟ್ಟಿದ್ದಾರೆ.

ಕೊರಟಗೆರೆ ತಾಲೂಕಿನ ಬುಡ್ಡಯ್ಯನಪಾಳ್ಯ ಗ್ರಾಮದಲ್ಲಿ ವಾಸವಿದ್ದ ದೊಡ್ಡ ಹನುಮಕ್ಕ ಅವರ ಮೂರನೇ ಮಗ ರಾಘು ಕೊರೊನಾ ಸಂದರ್ಭದಲ್ಲಿ ಬೆಂಗಳೂರಿನಿಂದ ವಾಪಸ್ ಮನೆಗೆ ಬಂದಿದ್ದರು. ಅಲ್ಲದೇ, ಜೋಪಾನವಾಗಿ ನೋಡಿಕೊಳ್ಳುವುದಾಗಿ ಭರವಸೆ ನೀಡಿದ್ದ ಕೂಡಾ. ಆದರೆ, ದಿನ ಕಳೆದಂತೆ ಮಗ -ಸೊಸೆ ಇಬ್ಬರೂ ಸೇರಿ ವೃದ್ಧೆಯನ್ನು ಮನೆಯಿಂದ ಹೊರಗೆ ಕಳುಹಿಸಿದ್ದರು.

ಇದರಿಂದ ನೊಂದು ಬೆಂದು ಒದ್ದಾಡುತ್ತಿದ್ದ ದೊಡ್ಡ ಹನುಮಕ್ಕನ ವಿಷಯ ತಿಳಿದ ತಹಶೀಲ್ದಾರ್​ ನಹೀದಾ ಸ್ಥಳಕ್ಕೆ ಭೇಟಿ ನೀಡಿ ವಾಪಸ್ ಆಕೆಯ ಸ್ವಂತ ಮನೆಗೆ ಸೇರಿಸಿದ್ದಾರೆ. ಅಲ್ಲದೇ, ಅವರನ್ನು ಮನೆಯಿಂದ ಹೊರಗೆ ಹಾಕದಂತೆ ಮಗ ಹಾಗೂ ಸೊಸೆಗೆ ಎಚ್ಚರಿಕೆ ಕೊಟ್ಟು ಬುದ್ದಿವಾದ ಹೇಳಿದ್ದಾರೆ.

ಓದಿ:ರಾಜ್ಯದಲ್ಲಿ ಭಾರಿ ಮಳೆ ಮುಂದುವರಿಕೆ: ಕರಾವಳಿ, ಮಲೆನಾಡು ಜಿಲ್ಲೆಗಳಿಗೆ ಆರೆಂಜ್ ಅಲರ್ಟ್