ಆಲ್​​ರೌಂಡರ್​​ ​ ಆದ ಸಿದ್ಧಗಂಗಾ ಶ್ರೀ: ಮಕ್ಕಳಲ್ಲಿ ಇಮ್ಮಡಿಗೊಂಡ ಕ್ರೀಡಾಸ್ಫೂರ್ತಿ..!

ಸಿದ್ದಗಂಗಾ ಮಠ ಇದೀಗ ತ್ರಿವಿಧ ದಾಸೋಹದ ಜೊತೆಗೆ ಕ್ರೀಡಾಸ್ಫೂರ್ತಿಯನ್ನು ತುಂಬುತ್ತಿದೆ. ಮಠದ ಸ್ವಾಮೀಜಿಗಳೇ ಮುಂದೆ ಬಂದು ಇಲ್ಲಿನ ವಿದ್ಯಾರ್ಥಿಗಳಲ್ಲಿ ಕ್ರೀಡಾಭಿಮಾನ ತುಂಬುತ್ತಿದ್ದಾರೆ.

ತುಮಕೂರು:ಸಿದ್ಧಗಂಗಾ ಮಠದ ಶ್ರೀ ಸಿದ್ದಲಿಂಗ ಸ್ವಾಮೀಜಿ ಪ್ರತಿದಿನ ಮಠದ ಮಕ್ಕಳೊಂದಿಗೆ ಕೆಲಕಾಲ ಆಟ ಆಡುವ ಮೂಲಕ ಗಮನ ಸೆಳೆಯುತ್ತಿದ್ದಾರೆ. ಇತ್ತೀಚೆಗೆ ಬ್ಯಾಟ್​ ಹಿಡಿದು ಅಂಗಳಕ್ಕೆ ಇಳಿದಿದ್ದ ಸ್ವಾಮೀಜಿ, ಸಿಕ್ಸ್​ ಬಾರಿಸುವ ಮೂಲಕ ತಾವೂ ಕೂಡ ಕ್ರಿಕೆಟ್​ ಪಟು ಎಂದು ಸಾಬೀತು ಪಡಿಸಿದ್ದರು.

ಇದೀಗ ವಾಲಿಬಾಲ್ ಹಿಡಿದು​ ಅಂಗಳಕ್ಕೆ ಬಂದ ಅವರು, ಮಕ್ಕಳ ಜೊತೆ ಆಟವಾಡಿ ರಂಜಿಸುವ ಮೂಲಕ ಕ್ರಿಕೆಟ್​ ಅಷ್ಟೇ ಅಲ್ಲ ನಾನೋರ್ವ ಆಲ್ ​ರೌಂಡರ್​ ಕ್ರೀಡಾಪಟು ಎಂದು ತೋರ್ಪಡಿಸಿದರು. ನಿತ್ಯ ಸಂಜೆ ವಾಯು ವಿಹಾರಕ್ಕೆ ಹೋಗುವ ಸ್ವಾಮೀಜಿ, ಅಲ್ಲಿ ಕೆಲಕಾಲ ಮಕ್ಕಳೊಂದಿಗೆ ಆಟವಾಡಿ ಕ್ರೀಡಾ ಮನೋಭಾವನೆಯನ್ನು ಇಮ್ಮಡಿಗೊಳಿಸುತ್ತಿದ್ದಾರೆ. ಮಕ್ಕಳೂ ಸಹ ಅಷ್ಟೇ ಸಂತಸದಿಂದ ಪಾಲ್ಗೊಂಡು ಸ್ವಾಮೀಜಿಗಳ ಆಟಕ್ಕೆ ಸಾಥ್ ನೀಡುತ್ತಾರೆ.