ಕ್ರಿಕೆಟ್ ಆಡಿದ ಸಿದ್ದಗಂಗಾ ಮಠದ ಸ್ವಾಮೀಜಿ..!

ಕಾವಿತೊಟ್ಟ ಸ್ವಾಮೀಜಿಯೊಬ್ಬರು ಬ್ಯಾಟ್​ ಹಿಡಿದು ಕ್ರೀಡಾಂಗಣದಲ್ಲಿ ಮಿಂಚಿದರು. ಎದುರಿಗೆ ಬಂದ ಬಾಲ್ ಬೌಂಡರಿ ಹೊರಗೆ ಅಟ್ಟುವ ಮೂಲಕ ತಾವೂ ಓರ್ವ ಉತ್ತಮ ಕ್ರೀಡಾಪಟು ಎಂದು ತೋರಿಸಿಕೊಟ್ಟರು.

ತುಮಕೂರು:ತುಮಕೂರಿನ ಶ್ರೀ ಸಿದ್ದಗಂಗಾ ಮಠದಲ್ಲಿ ಶ್ರೀ ಸಿದ್ದಲಿಂಗ ಸ್ವಾಮೀಜಿ ಮಠದ ಮಕ್ಕಳೊಂದಿಗೆ ಕೆಲಕಾಲ ಮಠದ ಅಂಗಳದಲ್ಲಿ ಕ್ರಿಕೆಟ್ ಆಡುವ ಮೂಲಕ ಗಮನ ಸೆಳೆದರು.

ಮಠದ ಮಕ್ಕಳೊಂದಿಗೆ ಕ್ರಿಕೆಟ್ ಆಡಿದ ಸಿದ್ದಗಂಗಾ ಶ್ರೀ

ಸಿದ್ದಲಿಂಗ ಸ್ವಾಮೀಜಿಗಳು ಮಕ್ಕಳ ಬೌಲಿಂಗ್​​ಗೆ ಸಿಕ್ಸ್​ ಹೊಡೆಯುವ ಮೂಲಕ ತಾವೂ ಓರ್ವ ಉತ್ತಮ ಕ್ರೀಡಾಪಟು ಎಂದು ತೋರಿಸಿಕೊಟ್ಟರು. ಸ್ವಾಮೀಜಿ ಬ್ಯಾಟ್​ ಹಿಡಿದು ಬಾಲ್ ಬೌಂಡರಿ ಹೊರಗೆ ಅಟ್ಟುತ್ತಿದ್ದಂತೆ ಮಠದ ಮಕ್ಕಳು ಕುಣಿಯತೊಡಗಿದರು.

ಮಠದ ಅಂಗಳದಲ್ಲಿ ಮಕ್ಕಳೊಂದಿಗೆ ಶ್ರೀಗಳು

ಪ್ರಪಂಚದಾದ್ಯಂತ ವಿಶ್ವಕಪ್​ ಕ್ರಿಕೆಟ್​​ ಜ್ವರ ಜೋರಾಗಿದ್ದು, ಸ್ವಾಮೀಜಿಯೊಬ್ಬರು ಬ್ಯಾಟ್ ಹಿಡಿದು ಅಂಗಳಕ್ಕೆ ಇಳಿದಿದ್ದು, ಕ್ರೀಡಾರ್ಥಿಗಳಲ್ಲಿ ಸ್ಪೂರ್ತಿ ತುಂಬಿದೆ ಅಂದ್ರೆ ತಪ್ಪಾಗಲಾರದು.

ಮಠದ ಅಂಗಳದಲ್ಲಿ ಕಾಣಿಸಿಕೊಂಡ ಸ್ವಾಮೀಜಿ

ಶ್ರೀಗಳು ಸಿಕ್ಸ್​ ಹೊಡೆದಾಗ ಮಕ್ಕಳು ಚಪ್ಪಾಳೆ ತಟ್ಟುತ್ತಿರುವುದು