ಧಾರವಾಡದಿಂದ ಅಪ್ಪು ಸಮಾಧಿವರೆಗೆ ಮಹಿಳಾ ಅಭಿಮಾನಿಯಿಂದ ಪಾದಯಾತ್ರೆ

ಮೂವರು ಮಕ್ಕಳ ತಾಯಿಯಾಗಿರುವ ಧಾರವಾಡದ ದಾಕ್ಷಾಯಿಣಿ ಅವರು ಪುನೀತ್​ ಸಮಾಧಿವರೆಗೂ ಪಾದಯಾತ್ರೆ ಮಾಡುತ್ತಿದ್ದಾರೆ.

ತುಮಕೂರು: ನಾಳೆ ಪುನೀತ್ ರಾಜ್​​ಕುಮಾರ್ ಅವರ ಪ್ರಥಮ ಪುಣ್ಯಸ್ಮರಣೆಯಿದ್ದು ಧಾರವಾಡದಿಂದ ಬೆಂಗಳೂರಿಗೆ ಮಹಿಳೆಯೊಬ್ಬರು ಪಾದಯಾತ್ರೆ ಮಾಡುತ್ತಿದ್ದಾರೆ. ಕಂಠೀರವ ಸ್ಟುಡಿಯೋ ಆವರಣದಲ್ಲಿರುವ ಅಪ್ಪು ಸಮಾಧಿಗೆ ತುಮಕೂರು ಮೂಲಕ ಧಾರವಾಡದ ಮನಗುಂಡಿಯ ದಾಕ್ಷಾಯಿಣಿ ಪಾಟೀಲ್ ನಡೆದುಕೊಂಡೇ ಸಾಗಿ ಬರುತ್ತಿದ್ದಾರೆ.

ಕಳೆದ ವರ್ಷವೂ ಪಾದಯಾತ್ರೆಯ ಮೂಲಕ ತೆರಳಿ ಅಪ್ಪು ಸಮಾಧಿಗೆ ದಾಕ್ಷಾಯಿಣಿ ನಮನ ಸಲ್ಲಿಸಿದ್ದರು. ತಮ್ಮ ಮೂರು ತಿಂಗಳ ಮಗುವಿನೊಂದಿಗೆ ಪಾದಯಾತ್ರೆ ಮಾಡುತ್ತಿದ್ದಾರೆ. ಆ ಸಂದರ್ಭದಲ್ಲಿ ಸತತ ಮೂರು ವರ್ಷ ಪಾದಯಾತ್ರೆ ಮಾಡುವುದಾಗಿ ಹೇಳಿದ್ದ ದಾಕ್ಷಾಯಿಣಿ, ತಮ್ಮ ಮಾತಿನಂತೆಯೇ ಈ ವರ್ಷ ಮತ್ತೆ ಪಾದಯಾತ್ರೆ ಮಾಡುತ್ತಿದ್ದಾರೆ.

ತುಮಕೂರು ತಲುಪುತ್ತಿದ್ದಂತೆ ದಾಕ್ಷಾಯಿಣಿ ಅವರನ್ನು ಅಪ್ಪು ಅಭಿಮಾನಿಗಳು ಬರಮಾಡಿಕೊಂಡರು. ಬಳಿಕ ತುಮಕೂರಿನ ಬೆಳಗುಂಬ ರಸ್ತೆಯಲ್ಲಿರುವ ಅಪ್ಪು ಪುತ್ಥಳಿಗೆ ಮಾಲಾರ್ಪಣೆ ಮಾಡಿದರು. ಮಾರ್ಗ ಮಧ್ಯೆ ನೆಲಮಂಗಲದಲ್ಲಿ ಗಂಧದಗುಡಿ ಚಿತ್ರ ವೀಕ್ಷಿಸುವ ಆಸೆಯನ್ನು ಅವರು ಹೊಂದಿದ್ದಾರೆ.

ಇದನ್ನೂ ಓದಿ:'ಬಿರಿಯಾನಿ ಅಂದ್ರೆ ಪುನೀತ್‌ ಅವ್ರಿಗೆ ಪಂಚಪ್ರಾಣ..': ನವಯುಗ ಹೋಟೆಲ್ ಮಾಲೀಕ​ ಮೋಹನ್ ರಾವ್