ಭಾರಿ ಮಳೆಗೆ ಕುಸಿದ ಹೇಮಾವತಿ ನಾಲೆ.. ರೈತರಿಗೆ ಹೆಚ್ಚಿದ ಆತಂಕ

ಭಾರೀ ಮಳೆಗೆ ತುಮಕೂರಿನ ಕಿಬ್ಬನಹಳ್ಳಿ ಬಳಿ ಹೇಮಾವತಿ ನಾಲೆ ಕುಸಿದಿದೆ. ನಾಲೆಯ ಹರಿವಿನ ಪಾತ್ರ ಬದಲಾಗುವ ಆತಂಕ ರೈತರಿಗೆ ಎದುರಾಗಿದೆ.

ತುಮಕೂರು : ಭಾರೀ ಮಳೆಯಿಂದಾಗಿ ಹೇಮಾವತಿ ಕಾಲುವೆ ಮಳೆ ನೀರಿನ ರಭಸಕ್ಕೆ ಸಾಕಷ್ಟು ಹಾನಿಯಾಗಿದೆ. ಇದರಿಂದಾಗಿ ಹರಿಯುವ ನೀರಿನ ದಿಕ್ಕು ಬದಲಾಗುವ ತುಮಕೂರು ಜಿಲ್ಲೆಯ ರೈತರಿಗೆ ಆತಂಕ ಶುರುವಾಗಿದೆ.

ಚಿಕ್ಕನಾಯಕನಹಳ್ಳಿಗೆ ಹಾಸನ ಜಿಲ್ಲೆಯ ಗೋರೂರಿನ ಹೇಮಾವತಿ ಜಲಾಶಯದಿಂದ ಪ್ರತಿ ವರ್ಷ ನೀರು ಹರಿಸಲಾಗುತ್ತಿದೆ. ಈ ಬಾರಿ ಕಿಬ್ಬನಹಳ್ಳಿ ಸಮೀಪ ನಾಲೆ ಕುಸಿದಿದ್ದು, ರೈತರಲ್ಲಿ ಆತಂಕ ಮೂಡಿಸಿದೆ.

ಚಿಕ್ಕನಾಯಕನಹಳ್ಳಿ ತಾಲೂಕಿನ ಬಿಳಿಗೆರೆ ಕಿಬ್ಬನಹಳ್ಳಿ ಗ್ರಾಮದ ಕಡೆಗೆ ಹರಿಯುತ್ತಿದ್ದ ಕಾಲುವೆ ನೀರಿನ ದಿಕ್ಕು ಬದಲಾಗಿದ್ದು, ಭಾರೀ ಮಳೆಯಿಂದಾಗಿ ಕಾಲುವೆಯ ಒಂದು ಬದಿಯಲ್ಲಿ ಮಣ್ಣುಕುಸಿತ ಉಂಟಾಗಿ ಈ ಪರಿಸ್ಥಿತಿ ನಿರ್ಮಾಣವಾಗಿದೆ.

ಓದಿ :ಕೋಲಾರದಲ್ಲಿ ಕಾಲುವೆಯಲ್ಲಿ ಕೊಚ್ಚಿ ಹೋಗಿದ್ದ ಯುವಕ ಶವವಾಗಿ ಪತ್ತೆ