ಬೈಕ್​ ಮೇಲೆ ಕುಳಿತಲ್ಲ, ನಿಂತು ಸವಾರಿ ಮಾಡುತ್ತಿದ್ದ 9 ಯುವಕರು ಅಂದರ್​

ಬೈಕ್​ ಸ್ಟಂಟ್​ ಮಾಡಿ ಸಂಚಾರಿ ನಿಯಮ ಉಲ್ಲಂಘಟನೆ ಮಾಡಿದ್ದ ಆರೋಪದ ಮೇಲೆ ತುಮಕೂರು ಪೊಲೀಸರು ಯುವಕರನ್ನು ದಸ್ತಗಿರಿ ಮಾಡಿದ್ದಾರೆ.

ತುಮಕೂರು: ಅಪಾಯಕಾರಿಯಾಗಿ ಬೈಕ್ ಚಾಲನೆ ಮಾಡುತ್ತಿದ್ದ 9 ಮಂದಿ ಯುವಕರನ್ನು ಸಂಚಾರ ಠಾಣೆ ಪೊಲೀಸರು ಬಂಧಿಸಿ 4 ಬೈಕ್ ಗಳನ್ನು ವಶಪಡಿಸಿಕೊಂಡಿದ್ದಾರೆ.

ಅಬ್ದುಲ್ ಅಜೀಜ್, ಇಮ್ರಾನ್, ಅಬ್ದುಲ್ ಗೌಸ್, ಸಲ್ಮಾನ್, ರಿಯಾಜ್ , ಸುಹೇಲ್ ಅಹಮದ್, ಎಂ ಡಿ ರಿಹಾನ್, ಅರ್ಬಾಜ್, ಯಾಕೂಬ್ ಬಂಧಿತರು.ಇವರು ನಗರದ ಕುಣಿಗಲ್ ರಸ್ತೆಯಲ್ಲಿ ನವೆಂಬರ್ 10ರಂದು ಬೈಕ್ ಮೇಲೆ ನಿಂತು ಚಾಲನೆ ಮಾಡಿ ಸಂಚಾರಕ್ಕೆ ಅಡಚಣೆ ಉಂಟು ಮಾಡಿ ನಿಯಮ ಬ್ರೇಕ್​ ಮಾಡಿದ್ದರು.

ಈ ಬೈಕ್​ ಸ್ಟಂಟ್​ ವಿಡಿಯೋ ಬಾರಿ ವೈರಲ್ ಆಗಿತ್ತು. ವಿಡಿಯೋ ಆಧಾರದ ಮೇಲೆ ಪೊಲೀಸರು ಯುವಕ ಬಂಧಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.