ತುಮಕೂರಿನಲ್ಲಿ ಇಂದು ಇಬ್ಬರಿಗೆ ಕೊರೊನಾ ದೃಢ: 26ಕ್ಕೇರಿದ ಸೋಂಕಿತರು

ತುಮಕೂರು ಜಿಲ್ಲೆಯಲ್ಲಿ ಭಾನುವಾರದಂದು ಕೊರೊನಾ ಪಾಸಿಟಿವ್​ ಪ್ರಕರಣಗಳು ಪತ್ತೆಯಾಗಿದ್ದು, ಹೊರ ರಾಜ್ಯದಿಂದ ಬಂದ ಇಬ್ಬರಿಗೆ ಸೋಂಕು ಇರುವಿಕೆ ದೃಢಪಟ್ಟಿದೆ.

ತುಮಕೂರು: ಜಿಲ್ಲೆಯಲ್ಲಿ ಭಾನುವಾರ ಇಬ್ಬರಲ್ಲಿ ಕೊರೊನಾ ದೃಢಪಟ್ಟಿದ್ದು, ಸೋಂಕಿತರ ಸಂಖ್ಯೆ 26ಕ್ಕೆ ಏರಿಕೆಯಾಗಿದೆ ಎಂದು ಜಿಲ್ಲಾಧಿಕಾರಿ ರಾಕೇಶ್ ಕುಮಾರ್​ ಹೇಳಿದ್ದಾರೆ.

ಪಾವಗಡಕ್ಕೆ ಮೇ 5ರಂದು ಗುಜರಾತ್​ನಿಂದ ಬಂದಿದ್ದ 13 ಶಂಕಿತರನ್ನು ಕ್ವಾರಂಟೈನ್ ಮಾಡಲಾಗಿತ್ತು. ಅವರಲ್ಲಿ ಓರ್ವನಿಗೆ ಸೋಂಕು ತಗುಲಿದೆ. ತಿಪಟೂರಿಗೆ ಮೇ 19ಕ್ಕೆ ನಾಂದೇಡ್​ನಿಂದ ಬಂದಿದ್ದ ಟ್ರಕ್ ಚಾಲಕ ಸೋಂಕು ಪತ್ತೆಯಾಗಿದೆ.

ತಿಪಟೂರಿನ ಗಾಂಧಿನಗರದಲ್ಲಿ ಮತ್ತೊಂದು ಕಂಟೇನ್ಮೆಂಟ್ ವಲಯ ಎಂದು ಗುರಿತಿಸಲಾಗಿದೆ. ಈ ಇಬ್ಬರೂ ಸೋಂಕಿತರನ್ನು ಕೋವಿಡ್ 19 ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಪ್ರಥಮ ಹಾಗೂ ದ್ವಿತೀಯ ಸಂಪರ್ಕಿತರನ್ನು ಈಗಾಗಲೇ ಕ್ವಾರಂಟೈನ್ ಮಾಡಲಾಗಿದೆ.