ಎಲ್ಲ ಕಾನೂನುಬಾಹಿರ ಗಣಿಗಾರಿಕೆಗಳಿಗೆ ಸಚಿವರ ಸಹಕಾರ ಇದೆ: ಶಾಸಕ ಡಿ.ಸಿ. ಗೌರಿಶಂಕರ್

ಸರ್ಕಾರದ ನಿಯಮಗಳನ್ನು ಮೀರಿ ಜಿಲೆಟಿನ್​​ಗಳನ್ನು ಉಪಯೋಗಿಸುತ್ತಿದ್ದರೂ, ಅಧಿಕಾರಿಗಳು ಕಣ್ಣು ಮುಚ್ಚಿಕೊಂಡು ಕುಳಿತಿದ್ದಾರೆ. ನಮ್ಮಲ್ಲಿ ನಡೆಯುತ್ತಿರುವ ಗಣಿಗಾರಿಕೆಗಳೆಲ್ಲಾ ಕಾನೂನು ಬಾಹಿರವಾಗಿವೆ. ಇದ್ರಲ್ಲಿ ಅಧಿಕಾರಿಗಳು, ಜಿಲ್ಲಾಧಿಕಾರಿ, ಕಮಿಟಿ ಕೂಡ ಭಾಗಿಯಾಗಿ ಅವ್ಯವಹಾರ ನಡೆಯುತ್ತಿದೆ ಎಂದು ಶಾಸಕ ಡಿ.ಸಿ. ಗೌರಿಶಂಕರ್ ಆರೋಪ ಮಾಡಿದ್ದಾರೆ.

ತುಮಕೂರು: ತಾಲೂಕಿನ ವ್ಯಾಪ್ತಿಯಲ್ಲಿ ಜಿಲೆಟಿನ್ ಉಪಯೋಗಿಸಿ ಬ್ಲಾಸ್ಟ್ ಮಾಡಲಾಗುತ್ತಿದೆ. ಕ್ರಷರ್ ಮಾಲೀಕರೆಲ್ಲಾ ಘಟಾನುಘಟಿಗಳು. ಇದಕ್ಕೆ ಎಲ್ಲಾ ಸಚಿವರ ಸಹಕಾರ ಇದೆ ಎಂದು ಶಾಸಕ ಡಿ.ಸಿ. ಗೌರಿಶಂಕರ್ ಆರೋಪಿದ್ದಾರೆ.

ನಗರದಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಸರ್ಕಾರದ ನಿಯಮಗಳನ್ನು ಮೀರಿ ಜಿಲೆಟಿನ್​​ಗಳನ್ನು ಉಪಯೋಗಿಸುತ್ತಿದ್ದರೂ, ಅಧಿಕಾರಿಗಳು ಕಣ್ಣು ಮುಚ್ಚಿಕೊಂಡು ಕುಳಿತಿದ್ದಾರೆ ಎಂದು ಆರೋಪಿಸಿದರು. ನಮ್ಮಲ್ಲಿ ನಡೆಯುತ್ತಿರುವ ಗಣಿಗಾರಿಕೆಗಳೆಲ್ಲಾ ಕಾನೂನು ಬಾಹಿರವಾಗಿವೆ. ಇದರಲ್ಲಿ ಅಧಿಕಾರಿಗಳು, ಜಿಲ್ಲಾಧಿಕಾರಿ, ಕಮಿಟಿ ಕೂಡ ಭಾಗಿಯಾಗಿ ಅವ್ಯವಹಾರ ನಡೆಯುತ್ತಿದೆ ಎಂದಿದ್ದಾರೆ.

ಜಿಲೆಟಿನ್ ಉಪಯೋಗಿಸಲು ಅನುಮತಿ ಇಲ್ಲ. ಕರ್ನಾಟಕದಲ್ಲಿ ಕ್ರಷರ್ ಮಾಡಿರುವವರು ಯಾರು ನಿಯಮಗಳ ಪ್ರಕಾರ ನಡೆದುಕೊಳ್ಳುತ್ತಿಲ್ಲ. ಹಳ್ಳಿಗಳ ಕಡೆ ಇಂತಹ ಘಟನೆಗಳು ಸಾಕಷ್ಟಿವೆ. ಡೀಮ್ ಫಾರೆಸ್ಟ್ ಒತ್ತುವರಿ ಮಾಡಿ ಸರ್ಕಾರಕ್ಕೆ ನೂರಾರು ಕೋಟಿ ನಷ್ಟ ಮಾಡಿದ್ದಾರೆ. ಈ ಬಗ್ಗೆ ನಾನು ಸರ್ಕಾರಕ್ಕೆ, ಅಧಿಕಾರಿಗಳಿಗೆ ದಾಖಲೆ ಸಮೇತ ದೂರು ಕೊಟ್ಟರೂ ಪ್ರಯೋಜನವಿಲ್ಲದಂತಾಗಿದೆ. ನನ್ನ ಪ್ರಕಾರ ಶೇ. 80ರಷ್ಟು ಕ್ರಷರ್ ಡೀಮ್ ಫಾರೆಸ್ಟ್​​ನಲ್ಲಿ ನಡೀತಾ ಇದೆ. ದಾಖಲೆ ಇದ್ದರೂ ಸರ್ಕಾರ ಮತ್ತು ಅಧಿಕಾರಿಗಳು ಕ್ರಮ ಕೈಗೊಳ್ಳುತ್ತಿಲ್ಲ ಎಂದು ಶಾಸಕ ಗೌರಿಶಂಕರ್​ ದೂರಿದ್ದಾರೆ.