ಎಸಿಬಿ ದಾಳಿ: ಆರ್​​ಟಿಓ ಅಧಿಕಾರಿ ಬಳಿ ಇದ್ದ ಹಣ ವಶಕ್ಕೆ

ರಾಷ್ಟ್ರೀಯ ಹೆದ್ದಾರಿ ಎನ್ ಎಚ್ 48 ರಲ್ಲಿರುವ ಕಳ್ಳಂಬೆಳ್ಳ ಟೋಲ್ ಗೇಟ್ ಬಳಿ ಎಸಿಬಿ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ. ದಾಳಿ ವೇಳೆ 52,850 ರೂ.ಗಳನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ.

ತುಮಕೂರು:ಜಿಲ್ಲೆಯ ರಾಷ್ಟ್ರೀಯ ಹೆದ್ದಾರಿ ಎನ್ ಎಚ್ 48 ರಲ್ಲಿರುವ ಕಳ್ಳಂಬೆಳ್ಳ ಟೋಲ್ ಗೇಟ್ ಬಳಿ ಎಸಿಬಿ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ. ದಾಳಿ ವೇಳೆ ಆರ್​ಟಿಓ ಅಧಿಕಾರಿ ಸೇರಿದಂತೆ ಮೂವರಿಂದ 52,850 ರೂ.ಗಳನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ.

ಚಿತ್ರದುರ್ಗದ ಆರ್​​ಟಿಓ ಅಧಿಕಾರಿ ಆರ್. ಸುರೇಂದ್ರ ಕುಮಾರ್ ಅವರ ಬಳಿ ಅಧಿಕೃತ ಲೆಕ್ಕದಲ್ಲಿದ್ದ 17,500 ರೂ. ಮತ್ತು ಅನಧಿಕೃತ ಲೆಕ್ಕದಲ್ಲಿದ್ದ 35,350 ರೂ. ಹಣವನ್ನು ಪತ್ತೆ ಹಚ್ಚಿ ವಶಕ್ಕೆ ತೆಗೆದುಕೊಂಡಿದ್ದಾರೆ.

ಎಸಿಬಿ ಪೊಲೀಸ್ ಇನ್​​ಸ್ಪೆಕ್ಟರ್ ಹೆಚ್. ಸುನಿಲ್ ಕುಮಾರ್ ದೂರಿನ ಮೇರೆಗೆ ಎಸಿಬಿ ಡಿವೈಎಸ್ಪಿ ಉಮಾಶಂಕರ್ ನೇತೃತ್ವದ ತಂಡ ದಾಳಿ ನಡೆಸಿತ್ತು.