ಹಂತಹಂತವಾಗಿ ಪುನಾರಂಭಗೊಳ್ಳುತ್ತಿರುವ ರೈಲು ಸೇವೆ.. ಈಗ ಈ ಮಾರ್ಗಗಳಲ್ಲಷ್ಟೇ ಸಂಚಾರ..

ನೈಋತ್ಯ ರೈಲ್ವೆ ಇಲಾಖೆ ಪ್ರಕಟಣೆ ಹೊರಡಿಸಿದ್ದು, ತಾಳಗುಪ್ಪ , ಮೈಸೂರು, ಬೆಂಗಳೂರಿಗೆ ರೈಲು ಸೇವೆಯನ್ನು ಪುನಾರಂಭ ಮಾಡಲಾಗುತ್ತಿದೆ ಎಂದು ತಿಳಿಸಿದೆ. ರಿಸರ್ವ್ ಮಾಡಿಸಿದ ಪ್ರಯಾಣಿಕರಿಗಷ್ಟೇ ರೈಲು ಹತ್ತಲು ಅವಕಾಶವಿದ್ದು, ಕೋವಿಡ್​​ ನಿಯಮಗಳನ್ನು ಕಡ್ಡಾಯಗೊಳಿಸಲಾಗಿದೆ..

ಶಿವಮೊಗ್ಗ: ಕೋವಿಡ್ ಕಾರಣ ಘೋಷಣೆಯಾಗಿದ್ದ ಲಾಕ್​​​ಡೌನ್​​​ ಹಿನ್ನೆಲೆ ಸ್ಥಗಿತವಾಗಿದ್ದ ರೈಲು ಸಂಚಾರ ಹಂತಹಂತವಾಗಿ ಪುನಾರಂಭವಾಗುತ್ತಿದೆ. ಈ ಸಂಬಂಧ ಪ್ರಕಟಣೆ ಹೊರಡಿಸಿರುವ ನೈಋತ್ಯ ರೈಲ್ವೆ ಇಲಾಖೆ, ತಾಳಗುಪ್ಪ, ಮೈಸೂರು, ಬೆಂಗಳೂರಿಗೆ ರೈಲು ಸೇವೆ ಪುನಾರಂಭ ಮಾಡಲಾಗುತ್ತಿದೆ ಎಂದು ತಿಳಿಸಿದೆ.

*ಯಾವೆಲ್ಲ ರೈಲುಗಳು ಪುನಾರಂಭವಾಗುತ್ತೆ?

• ರೈಲು ಸಂಖ್ಯೆ 06227: ಮೈಸೂರಿನಿಂದ ತಾಳಗುಪ್ಪ - ಡಿಸೆಂಬರ್ 9ರಿಂದ 18ರವರೆಗೆ ಪ್ರತಿದಿನ ಸಂಚರಿಸಲಿದೆ.
• ರೈಲು ಸಂಖ್ಯೆ 06228: ತಾಳಗುಪ್ಪದಿಂದ ಮೈಸೂರಿಗೆ - ಡಿಸೆಂಬರ್ 10 ರಿಂದ 19ರವರೆಗೆ ಪ್ರತಿದಿನ ಸಂಚರಿಸಲಿದೆ.
• ರೈಲು ಸಂಖ್ಯೆ 06529: ಬೆಂಗಳೂರಿನಿಂದ ತಾಳಗುಪ್ಪ - ಡಿಸೆಂಬರ್ 7ರಿಂದ 16ರವರೆಗೆ ಪ್ರತಿದಿನ ಸಂಚರಿಸಲಿದೆ.
• ರೈಲು ಸಂಖ್ಯೆ 06530: ತಾಳಗುಪ್ಪದಿಂದ ಬೆಂಗಳೂರಿಗೆ - ಡಿಸೆಂಬರ್ 8ರಿಂದ 17ರವರೆಗೆ ಪ್ರತಿದಿನ ಸಂಚಾರ ಮಾಡಲಿದೆ.

ಈ ಸುದ್ದಿಯನ್ನೂ ಓದಿ:ವಿದ್ಯಾರ್ಥಿಗಳ ಇಂಟರ್ನ್‌ಶಿಪ್ ಅವಧಿ ವಿಸ್ತರಿಸುವ ಚಿಂತನೆ ಇದೆ : ಡಿಸಿಎಂ ಡಾ.ಸಿ ಎನ್ ಅಶ್ವತ್ಥ್‌ ನಾರಾಯಣ

ಸೀಟುಗಳನ್ನು ರಿಸರ್ವ್ ಮಾಡಿಕೊಳ್ಳಬೇಕು. ರಿಸರ್ವ್ ಮಾಡಿಸಿದ ಪ್ರಯಾಣಿಕರಿಗಷ್ಟೇ ರೈಲು ಹತ್ತಲು ಅವಕಾಶವಿದೆ. ಇನ್ನು, ಪ್ರಯಾಣಿಕರಿಗೆ ಮಾಸ್ಕ್, ಸ್ಯಾನಿಟೈಸರ್ ಬಳಕೆ, ಸಾಮಾಜಿಕ ಅಂತರ ಸೇರಿದ ಕೋವಿಡ್​​ ನಿಯಮಗಳನ್ನು ಕಡ್ಡಾಯಗೊಳಿಸಲಾಗಿದೆ ಎಂದು ರೈಲ್ವೆ ಇಲಾಖೆ ಪ್ರಕಟಣೆಯಲ್ಲಿ ತಿಳಿಸಿದೆ.