ಶಿವಮೊಗ್ಗದ ಎಲ್ಲಾ ಏರಿಯಾಗಳಲ್ಲಿ ಕಟ್ಟುನಿಟ್ಟಿನ ಲಾಕ್​​​ ಡೌನ್​​​​​

ಎಷ್ಟು ಜಾಗೃತಿ ಮೂಡಿಸಿದರೂ, ಏನೇ ಕ್ರಮ ಕೈಗೊಂಡರೂ ಜನರು ಮನೆಯಿಂದ ಹೊರಬಂದು ಬೇಕಾಬಿಟ್ಟಿ ತಿರುಗಾಡುತ್ತಿರುವ ಕಾರಣ ಇಂದಿನಿಂದ ಶಿವಮೊಗ್ಗದಲ್ಲಿ ಕಟ್ಟುನಿಟ್ಟಿನ ಲಾಕ್​​ ಡೌನ್ ಘೋಷಿಸಲಾಗಿದೆ. ಪ್ರತಿ ಏರಿಯಾವನ್ನು ಬಂದ್ ಮಾಡಲಾಗಿದೆ.

ಶಿವಮೊಗ್ಗ:ಏಪ್ರಿಲ್ 14 ರಂದು ಲಾಕ್ ಡೌನ್​ ಮುಗಿಯುವುದೋ ಅಥವಾ ಮುಂದುವರೆಯುವುದೋ ಯಾರಿಗೂ ಗೊತ್ತಿಲ್ಲ. ಆದರೆ ಮುಂಜಾಗ್ರತೆ ಕ್ರಮವಾಗಿ ರಾಜ್ಯದ ಕೆಲವು ಜಿಲ್ಲೆಗಳಲ್ಲಿ ಸೀಲ್ ಡೌನ್ ಮಾಡಲಾಗುತ್ತಿದೆ. ಮತ್ತೆ ಕೆಲವೆಡೆ ಇಂದಿನಿಂದ ಲಾಕ್ ಡೌನ್ ಬಿಗಿಗೊಳಿಸಲಾಗುತ್ತಿದೆ.

ಶಿವಮೊಗ್ಗದಲ್ಲಿ ಲಾಕ್ ಡೌನ್​​​​​ಗೆ ನೀರಸ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಲಾಠಿ ಏಟು ತಿಂದರೂ ಜನರು ಹೊರಗೆ ಬರುವುದನ್ನು ನಿಲ್ಲಿಸುತ್ತಿಲ್ಲ. ಅಲ್ಲದೆ, ಅನಾವಶ್ಯಕವಾಗಿ ವಾಹನದಲ್ಲಿ ಸುತ್ತಾಡುವುದನ್ನು ಕೂಡಾ ನಿಲ್ಲಿಸುತ್ತಿಲ್ಲ. ಈ ಕಾರಣದಿಂದ ಶಿವಮೊಗ್ಗ ಪೊಲೀಸರು ಜಿಲ್ಲೆಯ ಏರಿಯಾಗಳನ್ನೇ ಲಾಕ್ ಮಾಡಿದ್ದಾರೆ. ಪ್ರತಿಯೊಂದು ಏರಿಯಾಗಳನ್ನು ಸೆಕ್ಟರ್ ಗಳನ್ನಾಗಿ ಮಾಡಿ ಅಲ್ಲಿ ಬ್ಯಾರಿಕೇಡ್​​​​​​​​ಗಳನ್ನು ಹಾಕಿ ಆ ಏರಿಯಾದ ಜನರು ಬೇರೆ ಏರಿಯಾಗಳಿಗೆ ಬಾರದಂತೆ ತಡೆಯಲಾಗುತ್ತಿದೆ. ಇದಲ್ಲದೆ ಪ್ರತಿ ಸರ್ಕಲ್​​​​​​​​​​​​​​​​ಗಳನ್ನೂ ಲಾಕ್ ಮಾಡಲಾಗಿದೆ. ಇದನ್ನೂ ಮೀರಿ ವಾಹನಗಳಲ್ಲಿ ಆಗಮಿಸುವವರ ವಿರುದ್ಧ ಕಠಿಣ ಕ್ರಮಕ್ಕೆ ಪೊಲೀಸ್ ಇಲಾಖೆ ಮುಂದಾಗಿದೆ.