ಶಿವಮೊಗ್ಗ:ತಂಗಿಯ ಸಾವಿಗೆ ಕಾರಣನಾದ ಯುವಕನೋರ್ವನನ್ನು ಕೊಲೆ ಮಾಡಿ ಪ್ರತೀಕಾರ ತೀರಿಸಿಕೊಂಡಿದ್ದ ಮೃತ ತಂಗಿಯ ಅಣ್ಣ ಸೇರಿದಂತೆ ಒಟ್ಟು ಆರು ಜನ ಆರೋಪಿಗಳನ್ನು ಬಂಧಿಸಲಾಗಿದೆ. ಕಾರ್ತಿಕ್(24) ಕೊಲೆಗೀಡಾದ ಯುವಕ.
ಮೃತ ತಂಗಿಯ ಅಣ್ಣ ಸಂತೋಷ್ ಸೇರಿದಂತೆ ಒಟ್ಟು ಆರು ಆರೋಪಿಗಳನ್ನು ಬಂಧಿಸಿರುವ ಪೊಲೀಸರು, ಓರ್ವನಿಗಾಗಿ ಶೋಧ ನಡೆಸಿದ್ದಾರೆ.
ಇದನ್ನೂ ಓದಿ:ಶಿವಮೊಗ್ಗ: ಮಾರಕಾಸ್ತ್ರಗಳಿಂದ ಕೊಚ್ಚಿ ಯುವಕನ ಕೊಲೆ
ಟಿಪ್ಪುನಗರದ ನಿವಾಸಿಯಾದ ಕಾರ್ತಿಕ್, ವರ್ಷದ ಹಿಂದೆ ವಿದ್ಯಾನಗರದ ಯುವತಿಯೊಬ್ಬಳನ್ನು ಪ್ರೀತಿಸುತ್ತಿದ್ದ. ಆದರೆ ಅನಾರೋಗ್ಯದಿಂದ ತಿಂಗಳಲ್ಲೇ ಆ ಯುವತಿ ನೇಣಿಗೆ ಶರಣಾಗಿದ್ದಳು. ಕಾರ್ತಿಕನ ಪ್ರೀತಿ ತಿಂಗಳಲ್ಲೇ ಅಂತ್ಯ ಕಂಡಿದ್ದರಿಂದ ಈತನ ಮನೆಯರು ಕೂಡ ಬೇರೆ ಮದುವೆ ಮಾಡಲು ತಯಾರಿ ಮಾಡಿಕೊಂಡಿದ್ದರಂತೆ. ಆದರೆ ಪ್ರಿಯತಮ ಕಾರ್ತಿಕ್ನಿಂದಲೇ ತನ್ನ ತಂಗಿ ಮೃತಟ್ಟಿದ್ದಾಳೆಂದು ತಿಳಿದುಕೊಂಡಿದ್ದ ಮೃತ ತಂಗಿಯ ಅಣ್ಣ ಸಂತೋಷ್ ಅವನ ಕೊಲೆಗೆ ಸಂಚು ಹಾಕಿಕೊಂಡಿದ್ದ. ಅಂದುಕೊಂಡಂತೆ ತನ್ನ 6 ಜನ ಸ್ನೇಹಿತರೊಂದಿಗೆ ಕೆಇಬಿ ಕ್ವಾಟ್ರಸ್ ಹಿಂದೆ ಕೊಲೆ ಮಾಡಿ ಪರಾರಿಯಾಗಿದ್ದರು ಎನ್ನಲಾಗಿದೆ.
ಸುದ್ದಿ ತಿಳಿದು ಸ್ಥಳಕ್ಕೆ ಬಂದ ಪೊಲೀಸರು ಮೃತ ಯುವಕನ ಬಗ್ಗೆ ದೂರು ದಾಖಲಿಸಿಕೊಂಡು ತನಿಖೆ ನಡೆಸಿದ್ದರು. ತನಿಖೆ ವೇಳೆ ಇವರ ಕೃತ್ಯ ಇದೆ ಎಂದು ತಿಳಿದು ಬಂದಿದ್ದರಿಂದ ಆರು ಆರೋಪಿಗಳನ್ನು ಬಂಧಿಸಿದ್ದಾರೆ. ಕೊಲೆಗೀಡಾದ ಕಾರ್ತಿಕ್ಗೆ ಮುಂದಿನ ತಿಂಗಳು ಮದುವೆ ಫಿಕ್ಸ್ ಆಗಿತ್ತು.