ಮಿಂಚಿನ ಓಟ ನಿಲ್ಲಿಸಿದ ಸೊರಬದ ಚಾಮುಂಡಿ ಎಕ್ಸ್​ಪ್ರೆಸ್.. ಅಭಿಮಾನಿಗಳಿಂದ ಕಂಬನಿ

ಹೋರಿ ಬೆದರಿಸುವ ಸ್ಪರ್ಧೆಯಲ್ಲಿ ಚಾಮುಂಡಿ ಎಕ್ಸ್​ಪ್ರೆಸ್ ಎಂದೇ ಖ್ಯಾತಿ ಪಡೆದಿದ್ದ ಎತ್ತು ಅನಾರೋಗ್ಯದಿಂದ ಸಾವನ್ನಪ್ಪಿದೆ. ಚಾಮುಂಡಿ ಎಕ್ಸ್​ಪ್ರೆಸ್ ಅಭಿಮಾನಿಗಳು ಸಾಮಾಜಿಕ ಜಾಲತಣದಲ್ಲಿ ಕಂಬನಿ ಮಿಡಿದಿದ್ದಾರೆ.

ಶಿವಮೊಗ್ಗ: ಹೋರಿಗಳಲ್ಲಿಯೇ ಅತಿ ದುಬಾರಿ ಹಾಗೂ ಚಾಂಪಿಯನ್ ಆಗಿದ್ದ ಚಾಮುಂಡಿ ಎಕ್ಸ್​ಪ್ರೆಸ್ ಎಂದು ಖ್ಯಾತಿ ಪಡೆದಿದ್ದ ಹೋರಿ ಸಾವನ್ನಪ್ಪಿದೆ. ಚಾಮುಂಡಿ ಎಕ್ಸ್​ಪ್ರೆಸ್ ಅನಾರೋಗ್ಯದಿಂದ ನಿಧನವಾಗಿದೆ ಎಂದು ತಿಳಿದುಬಂದಿದೆ.

ಹೋರಿ ಬೆದರಿಸುವ ಸ್ಪರ್ಧೆಯಲ್ಲಿ ಯಾರ ಕೈಗೂ ಸಿಗದೇ ಓಡಿ ಎಕ್ಸ್​ಪ್ರೆಸ್ ಎಂಬ ಖ್ಯಾತಿಗೆ ಒಳಗಾಗಿತ್ತು. ಈ ಸ್ಪರ್ಧೆಯ ಅಭಿಮಾನಿಗಳು ಚಾಮುಂಡಿಯ ಮೇಲೆ ಹೆಚ್ಚಿನ ಪ್ರೀತಿ ಹೊಂದಿದ್ದರು. ಅನಾರೋಗ್ಯದ ಕಾರಣದಿಂದ ಚಾಮುಂಡಿ ಎಕ್ಸ್​ಪ್ರೆಸ್ ತನ್ನ ಮಿಂಚಿನ ಓಟವನ್ನು ನಿಲ್ಲಿಸಿದೆ. ಸ್ಪರ್ಧೆಯ ಅಭಿಮಾನಿಗಳು ಸಾವಿನ ಸುದ್ದಿ ಕೇಳಿ ಕಂಬನಿ ಮಿಡಿದಿದ್ದಾರೆ.

18 ಲಕ್ಷಕ್ಕೆ ಖರೀದಿಯಾಗಿದ್ದ ಚಾಮುಂಡಿ ಎಕ್ಸ್​ಪ್ರೆಸ್:ಚಾಮುಂಡಿ ಎಕ್ಸ್ ಪ್ರೆಸ್ ಹೋರಿಯನ್ನು ಸೊರಬ ತಾಲೂಕು ಸುಮನವಳ್ಳಿಯ ರೈತ ಪ್ರಸನ್ನ ಕುಮಾರ್ ಎಂಬುವರು ಹಾವೇರಿ ಜಿಲ್ಲೆ ಚಿಕ್ಕಲಿಂಗದಹಳ್ಳಿಯಿಂದ 18 ಲಕ್ಷ ರೂ‌ಪಾಯಿ ಕೊಟ್ಟು ಖರೀದಿ ಮಾಡಿದ್ದರು.

ಇದನ್ನೂ ಓದಿ:ಪುನೀತ್ ರಾಜಕುಮಾರ್ ಸ್ಮರಣಾರ್ಥ ಹೋರಿ ಬೆದರಿಸುವ ಸ್ಪರ್ಧೆ