ರಾಗ ಜನ್ಮದಿನ ಅಂಗವಾಗಿ ಎನ್ಎಸ್​ಯುಐ ನಿಂದ ಹಣ್ಣು ವಿತರಣೆ

ರಾಹುಲ್ ಗಾಂಧಿ ಜನ್ಮ ದಿನದ ಪ್ರಯುಕ್ತ ಶಿವಮೊಗ್ಗ ಜಿಲ್ಲಾ ಎನ್​ಎಸ್​ಯುಐ ಸಂಘಟನೆ ಮೆಗ್ಗಾನ್​ ಆಸ್ಪತ್ರೆ ರೋಗಿಗಳಿಗೆ ಹಣ್ಣು ವಿತರಿಸಿದರು.

ಶಿವಮೊಗ್ಗ:ಎಐಸಿಸಿಯ ಮಾಜಿ‌ ಅಧ್ಯಕ್ಷ ರಾಹುಲ್ ಗಾಂಧಿ ಅವರ ಜನ್ಮ ದಿನದ ಅಂಗವಾಗಿ ಇಂದು ಶಿವಮೊಗ್ಗ ಜಿಲ್ಲಾ ಎನ್​ಎಸ್​ಯುಐ ಸಂಘಟನೆ ರೋಗಿಗಳಿಗೆ ಹಣ್ಣು ಹಾಗೂ ಬ್ರೆಡ್ ವಿತರಣೆ ಮಾಡಿದರು.

ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಯ ಹೆರಿಗೆ ವಿಭಾಗದ ಒಳರೋಗಿಗಳಿಗೆ ಹಣ್ಣು ಹಾಗೂ ಬ್ರೆಡ್ ವಿತರಣೆ ಮಾಡಿದರು. ಪ್ರತಿ ವಾರ್ಡ್​ಗಳಿಗೆ ಹೋಗಿ ಹಣ್ಣು, ಬ್ರೆಡ್ ವಿತರಿಸಿದರು.

ಈ ವೇಳೆ ರಾಜ್ಯ ಎನ್ಎಸ್​ಯುಐನ ಚೇತನ್, ಜಿಲ್ಲಾ‌ ಎನ್​ಎಸ್​ಯುಐನ ಜಿಲ್ಲಾಧ್ಯಕ್ಷ ಬಾಲಾಜಿ, ಯುವ ಕಾಂಗ್ರೆಸ್​ನ ಮಧು ಸೇರಿದಂತೆ ಕಾರ್ಯಕರ್ತರು ಹಾಜರಿದ್ದರು.