ಶಿವಮೊಗ್ಗ: ಜಿಲ್ಲೆಯಲ್ಲಿ ಇಂದು ಒಂದು ವರ್ಷದ ಮಗು ಹಾಗೂ ಮಗುವಿನ ತಂದೆಯಲ್ಲಿ ಕೊರೊನಾ ಪತ್ತೆಯಾಗಿದೆ.
ಶಿವಮೊಗ್ಗದಲ್ಲಿ ಒಂದು ವರ್ಷದ ಮಗು-ತಂದೆಗೆ ಕೊರೊನಾ: 53ಕ್ಕೆ ಏರಿದ ಸೋಂಕಿತರ ಸಂಖ್ಯೆ
ಶಿವಮೊಗ್ಗದಲ್ಲಿ ಇಂದು ಒಂದು ವರ್ಷದ ಮಗು ಸೇರಿದಂತೆ ಇಬ್ಬರಿಗೆ ಕೊರೊನಾ ಸೋಂಕು ದೃಢಪಟ್ಟಿದೆ. ಆ ಮೂಲಕ ಒಟ್ಟು ಸೋಂಕಿತರ ಸಂಖ್ಯೆ 53ಕ್ಕೆ ಏರಿಕೆಯಾಗಿದೆ.
ಶಿವಮೊಗ್ಗದಲ್ಲಿ ಒಂದು ವರ್ಷದ ಮಗು ಹಾಗೂ ತಂದೆಗೆ ಕೊರೊನಾ
ಶಿವಮೊಗ್ಗದ ಹಸೂಡಿಯ ಹಕ್ಕಿಪಿಕ್ಕಿ ಕ್ಯಾಂಪ್ಗೆ ಮುಂಬೈನಿಂದ ತಂದೆ, ತಾಯಿ ಹಾಗೂ ಮಗು ಆಗಮಿಸಿದ್ದರು. P-3910-ಒಂದು ವರ್ಷದ ಮಗು ಹಾಗೂ P-3911 ಮಗುವಿನ ತಂದೆಯಲ್ಲಿ ಕೊರೊನಾ ಪತ್ತೆಯಾಗಿದ್ದು, ತಾಯಿಯಲ್ಲಿ ಪತ್ತೆಯಾಗಿಲ್ಲ. ಮಗು ಹಾಗೂ ತಂದೆಯನ್ನು ಕೋವಿಡ್ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಮಗುವನ್ನು ನೋಡಿಕೊಳ್ಳಲು ತಾಯಿಯನ್ನು ಸಹ ಕರೆ ತರಲಾಗಿದೆ.
ಈಗಾಗಲೇ ಜಿಲ್ಲೆಯಲ್ಲಿ ಹಕ್ಕಿಪಿಕ್ಕಿ ಕ್ಯಾಂಪ್ನ ನಾಲ್ವರು ಕೋವಿಡ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇಂದಿನ ಎರಡು ಪ್ರಕರಣ ಸೇರಿ ಜಿಲ್ಲೆಯಲ್ಲಿ ಒಟ್ಟು 53 ಪ್ರಕರಣಗಳು ದಾಖಲಾಗಿವೆ. ಆ ಪೈಕಿ 30 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದು, ಇನ್ನೂ 23 ಜನ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಜಿಲ್ಲೆಯಲ್ಲಿ ಕೋವಿಡ್ ಸ್ಥಿತಿಗತಿ:
- ಇಂದು ಜಿಲ್ಲೆಯಲ್ಲಿ ಸಂಗ್ರಹಿಸಿದ ರಕ್ತದ ಮಾದರಿ-206.
- ಇದುವರೆಗೂ ಸಂಗ್ರಹಿಸಿದ ರಕ್ತದ ಮಾದರಿ-9,506.
- ಇದುವರೆಗೂ ನೆಗೆಟಿವ್ ಬಂದಿದ್ದು-9182.
- ಇದುವರೆಗೂ ಪಾಸಿಟಿವ್ ಪ್ರಕರಣ-53.
- ಫಲಿತಾಂಶ ಬರಬೇಕಿರುವುದು-271.
- ಇದುವರೆಗೂ ಬಿಡುಗಡೆಯಾದವರು-30.
- ವಿದೇಶದಿಂದ ವಾಪಸ್ ಆದವರು-38.
- ಬೇರೆ ರಾಜ್ಯದಿಂದ ಬಂದವರು-375.
- ಜಿಲ್ಲೆಯ ಕಂಟೈನ್ಮೆಂಟ್ ಝೋನ್-07.