ಮಾನಸಧಾರ ಕೇಂದ್ರದಲ್ಲಿ 19 ಜನರಿಗೆ ಕೊರೊನಾ: ಕಂಟೈನ್ಮೆಂಟ್​ ಝೋನ್ ಎಂದು ಘೋಷಣೆ

ಕೊರೊನಾ ಅಬ್ಬರ ಕಡಿಮೆ ಆಯಿತು ಎನ್ನುವಾಗಲೇ ಶಿವಮೊಗ್ಗದಲ್ಲಿ ಕೊರೊನಾ ಸೋಂಕು ಹೆಚ್ಚಾಗುತ್ತಿದ್ದು, ಮಾನಸಧಾರ ಟ್ರಸ್ಟ್​ನ ಮಾನಸಿಕ ಅಸ್ವಸ್ಥರ ಪುನಃಶ್ಚೇತನ ಕೇಂದ್ರದಲ್ಲಿ 19 ಮಂದಿಯಲ್ಲಿ ಸೋಂಕು ಕಾಣಿಸಿಕೊಂಡಿದೆ.

ಶಿವಮೊಗ್ಗ: ನಗರದ ಮಾನಸಧಾರ ಟ್ರಸ್ಟ್​ನ ಮಾನಸಿಕ ಅಸ್ವಸ್ಥರ ಪುನಃಶ್ಚೇತನ ಕೇಂದ್ರದಲ್ಲಿ 19 ಮಂದಿಗೆ ಕೊರೊನಾ ತಗುಲಿದ ಹಿನ್ನೆಲೆ ಕಂಟೈನ್ಮೆಂಟ್ ಝೋನ್ ಎಂದು ಘೋಷಣೆ ಮಾಡಲಾಗಿದೆ.

ರಾಜ್ಯದ ವಿವಿಧೆಡೆಯಿಂದ ಕೇಂದ್ರಕ್ಕೆ ಬಂದವರಿಂದ ಕೊರೊನಾ ಹರಡಿದೆ ಎನ್ನಲಾಗುತ್ತಿದೆ. ಪಾಲಿಕೆ‌ ಅಂಟಿಸಿದ್ದ ಕೊರೊನಾ ಸ್ಟಿಕ್ಕರ್​ಅನ್ನು ಇಲ್ಲಿನ ಸಿಬ್ಬಂದಿ ಕಿತ್ತು‌ ಒಳಗೆ ಅಂಟಿಸಿಕೊಂಡಿದ್ದರು. ಇದರಿಂದ ಕೇಂದ್ರ ಕಂಟೈನ್ಮೆಂಟ್​ ಝೋನ್ ಆಗಿದೆ ಎಂದು ಯಾರಿಗೂ ತಿಳಿಯದಂತಾಗಿತ್ತು.

ನಂತರ ಸಿಬ್ಬಂದಿ ಪುನಃ ಸ್ಟಿಕ್ಕರ್‌ ಅಂಟಿಸಿದ್ದಾರೆ. ಪಾಲಿಕೆಯವರು ಈ ಕೇಂದ್ರವನ್ನು ಕಂಟೈನ್ಮೆಂಟ್ ಝೋನ್ ಎಂದು ಘೋಷಿಸಿದ್ದಾರೆ. ಇದರಿಂದ ಜಿಲ್ಲೆಯಲ್ಲಿ ಮತ್ತೆ ಕೊರೊನಾ ಹಾವಳಿ ಪ್ರಾರಂಭವಾಗುವ ಲಕ್ಷಣಗಳು ಕಾಣಸಿಗುತ್ತಿವೆ.