ಕುಡುಕರ ಕಣ್ಣು ಬಾರ್‌ ಮೇಲೆ: ಗೋಡೆ ಕೊರೆದು ಬಾಟಲಿ ಎಗರಿಸಲು ವಿಫಲ ಯತ್ನ

ಲಾಕ್​ಡೌನ್​​ ಇರುವ ಕಾರಣ ಯಾವುದೇ ಬಾರ್​ಗಳು ತೆರೆಯುತ್ತಿಲ್ಲ. ಹೀಗಾಗಿ ಎಣ್ಣೆ ಪ್ರಿಯರು ಬಾರ್​​​ ಕಳ್ಳತನಕ್ಕೆ ಮುಂದಾಗಿರುವ ಘಟನೆ ಶಿವಮೊಗ್ಗ ಜಿಲ್ಲೆಯ ಗಾಜನೂರು ಗ್ರಾಮದಲ್ಲಿ ನಡೆದಿದೆ.

ಶಿವಮೊಗ್ಗ: ಲಾಕ್​ಡೌನ್ ಹಿನ್ನೆಲೆ ಯಾವುದೇ ಎಣ್ಣೆ ಅಂಗಡಿಗಳು ತೆರೆದಿಲ್ಲ. ಹೀಗಾಗಿ ಎಣ್ಣೆ ಪ್ರಿಯರು ಬಾರ್ ಕಳ್ಳತನಕ್ಕೆ ಯತ್ನಿಸಿರುವ ಘಟನೆ ಗಾಜನೂರು ಗ್ರಾಮದಲ್ಲಿ ನಡೆದಿದೆ‌.

ಗಾಜನೂರಿನ ಸ್ನೇಹ ಬಾರ್​​ನ ಹಿಂಭಾಗದ ಗೋಡೆಯನ್ನು ಕೊರೆದು ಕಳ್ಳರು ಒಳ ನುಗ್ಗಿದ್ದಾರೆ. ಆದರೆ ಒಳಗೆ ಕಳ್ಳತನ ಮಾಡಲು ಆಗದೆ ವಾಪಸ್ ಬಂದಿದ್ದಾರೆ.

ಇಂದು ಬಾರ್​​ನ ಮಾಲೀಕರು ಬಾರ್ ಕಡೆ ಬಂದಾಗ ಹಿಂಬದಿ ಕನ್ನ ಹಾಕಿರುವುದು ತಿಳಿದು ಬಂದಿದೆ. ಸ್ಥಳಕ್ಕೆ ತುಂಗಾನಗರ ಪೊಲೀಸರು ಹಾಗೂ ಅಬಕಾರಿ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದ್ದಾರೆ.