ಕರ್ತವ್ಯದಲ್ಲಿದ್ದ ಇಂಜಿನಿಯರ್ ಹೃದಯಘಾತದಿಂದ ಸಾವು

ಕೃಷ್ಣರಾಜ ಸಾಗರ ನೀರು‌ ಶುದ್ಧೀಕರ ಘಟಕದಲ್ಲಿ ನೀರು ಪೂರೈಕೆ ಮಾಡುವುದನ್ನು ಪರಿಶೀಲಿಸಿ ಮನೆಗೆ ತೆರಳಿದ್ದ ಇಂಜಿನಿಯರ್ ಹೃದಯಾಘಾತದಿಂದ ಸಾವನ್ನಪ್ಪಿರುವ ಘಟನೆ ಶಿವಮೊಗ್ಗದಲ್ಲಿ ನಡೆದಿದೆ.

ಶಿವಮೊಗ್ಗ: ಕರ್ತವ್ಯದಲ್ಲಿದ್ದ ನೀರು ಸರಬರಾಜು ಮಂಡಳಿಯ ಸಹಾಯಕ ಇಂಜಿನಿಯರ್ ಮಣಿಕಂಠ (30) ನಿನ್ನೆ ರಾತ್ರಿ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾರೆ.

ನಿನ್ನೆ ರಾತ್ರಿ ಕೃಷ್ಣರಾಜ ಸಾಗರ ನೀರು‌ ಶುದ್ಧೀಕರಣ ಘಟಕದಲ್ಲಿ ನೀರು ಪೂರೈಕೆ ಮಾಡುವುದನ್ನು ಪರಿಶೀಲಿಸಿ ಮನೆಗೆ ತೆರಳಿದ್ದ ಮಣಿಕಂಠ ಅವರು ತೀವ್ರ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾರೆ. ಮೂಲತಃ ದಾವಣಗೆರೆ ಜಿಲ್ಲೆಯವರಾದ ಮಣಿಕಂಠ ಅವರ ದೇಹವನ್ನ ದಾವಣಗೆರೆಗೆ ತೆಗೆದು ಕೊಂಡು ಹೋಗಿದ್ದಾರೆ.

ಮೃತ ಅಧಿಕಾರಿಗೆ ಪತ್ನಿ‌ ಹಾಗೂ ಒಂದೂವರೆ ವರ್ಷದ ಮಗು ಇದೆ. ಮಣಿಕಂಠ ಅವರ ಅಗಲಿಕೆಗೆ ನೀರು ಸರಬರಾಜು ಮಂಡಳಿಯವರು ಸಂತಾಪ ಸೂಚಿಸಿದ್ದಾರೆ.