ವಿದ್ಯುತ್​​​ ಶಾರ್ಟ್​ ಸರ್ಕ್ಯೂಟ್​ನಿಂದ ನೀರುಗಂಟಿ ಸಾವು

ಶಿವಮೊಗ್ಗದ ಶಿಕಾರಿಪುರ ತಾಲೂಕಿನ ಅಗ್ರಹಾರದ ಮುಚಡಿ ಗ್ರಾಮದಲ್ಲಿ ನೀರುಗಂಟಿ ಮಲ್ಲೇಶಪ್ಪ ನೀರು ಬಿಡಲು ಹೋದಾಗ ಶಾರ್ಟ್ ಸರ್ಕ್ಯೂಟ್​ನಿಂದ ವಿದ್ಯುತ್​ ತಗುಲಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಶಿವಮೊಗ್ಗ:ವಿದ್ಯುತ್ ಶಾರ್ಟ್ ಸರ್ಕ್ಯೂಟ್​ನಿಂದ ನೀರುಗಂಟಿಯೊಬ್ಬ ಸಾವನ್ನಪ್ಪಿರುವ ಘಟನೆ ಶಿಕಾರಿಪುರ ತಾಲೂಕು ಅಗ್ರಹಾರದ ಮುಚಡಿ ಗ್ರಾಮದಲ್ಲಿ ನಡೆದಿದೆ.

ಅಗ್ರಹಾರ ಮುಚಡಿಯ ಗ್ರಾಮ ಪಂಚಾಯತ್​​ನ ನೀರುಗಂಟಿಯಾದ ಮಲ್ಲೇಶಪ್ಪ ಬೆಳಗ್ಗೆ ನೀರು ಬಿಟ್ಟು ಬಂದಿದ್ದಾರೆ. ಆದರೆ ವಿದ್ಯುತ್ ಇಲ್ಲದ ಕಾರಣ ನೀರು ಬಂದಿರಲಿಲ್ಲ. ವಿದ್ಯುತ್ ಬಂದ ನಂತರ ಮೋಟಾರ್ ಆನ್ ಮಾಡಲು ಹೋದಾಗ ವಿದ್ಯುತ್ ತಗುಲಿ ನೀರುಗಂಟಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾನೆ.

ಮಲ್ಲೇಶಪ್ಪ ಹಲವು ವರ್ಷಗಳಿಂದ ನೀರುಗಂಟಿ ಕೆಲಸ ಮಾಡುತ್ತಿದ್ದ. ಈ ಕುರಿತು ಶಿರಾಳಕೊಪ್ಪ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.