ಶಿವಮೊಗ್ಗ ಪ್ರೆಸ್ ಟ್ರಸ್ಟ್​ನಿಂದ ಪತ್ರಕರ್ತರಿಗೆ ಆಹಾರ ಸಾಮಗ್ರಿಗಳ ಕಿಟ್ ವಿತರಣೆ

ಶಿವಮೊಗ್ಗ ಪ್ರೆಸ್ ಟ್ರಸ್ಟ್ ಹಾಗೂ ದಾನಿಗಳ ಸಹಕಾರದೊಂದಿಗೆ ಅಗತ್ಯ ದಿನಸಿ ಸಾಮಗ್ರಿಗಳ ಕಿಟ್ ಸಿದ್ಧಪಡಿಸಿ ಪತ್ರಕರ್ತರಿಗೆ ವಿತರಿಸಲಾಯಿತು.

ಶಿವಮೊಗ್ಗ:ಪ್ರೆಸ್ ಟ್ರಸ್ಟ್ ಹಾಗೂ ದಾನಿಗಳ ಸಹಕಾರದೊಂದಿಗೆ ಅಗತ್ಯ ದಿನಸಿ ಸಾಮಗ್ರಿಗಳ ಕಿಟ್ ಸಿದ್ಧಪಡಿಸಿ ಪತ್ರಕರ್ತರಿಗೆ ವಿತರಿಸಲಾಯಿತು.

ಶಿವಮೊಗ್ಗದ ಪತ್ರಿಕಾ ಭವನ ಸಭಾಂಗಣದಲ್ಲಿ ಏರ್ಪಡಿಸಿದ್ದ ಸರಳ ಕಾರ್ಯಕ್ರಮದಲ್ಲಿ ಜಿಲ್ಲಾಧಿಕಾರಿ ಕೆ.ಬಿ.ಶಿವಕುಮಾರ್ ಸಾಂಕೇತಿಕವಾಗಿ ಕಿಟ್​ಗಳನ್ನ ಪತ್ರಕರ್ತರಿಗೆ ವಿತರಿಸಿದರು. ನಂತರ ಮಾತನಾಡಿದ ಅವರು, ಜಗತ್ತಿನಲ್ಲೆಡೆ ವಿಚಿತ್ರ ಸನ್ನಿವೇಶ ಸೃಷ್ಟಿಯಾಗಿದೆ. ಈ ರೀತಿ ಜಗತ್ತಿನೆಲ್ಲೆಡೆ ಕೊರೊನಾ ವೈರಸ್ ಹರಡುತ್ತದೆ ಎಂಬ ಕಲ್ಪನೆಯನ್ನು ಯಾರೂ ಕೂಡ ಮಾಡಿರಲಿಲ್ಲ ಎಂದರು.

ಆಹಾರದ ಕಿಟ್​ನಲ್ಲಿ‌ 10 ಕೆಜಿ ಅಕ್ಕಿ, 2 ಲೀಟರ್ ಅಡುಗೆ ಎಣ್ಣೆ, ಅವಲಕ್ಕಿ, ರವೆ, ಈರುಳ್ಳಿ, ಟೀ ಪುಡಿ, ಕಾಫಿ ಪುಡಿ, ಪುಳಿಯೊಗರೆ ಪುಡಿಗಳನ್ನ ನೀಡಲಾಯಿತು.