ಕಾರು ಡಿಕ್ಕಿ: ಪೊಲೀಸ್ ಜೀಪ್ ಪಲ್ಟಿ... ಪಿಎಸ್​ಐ, ಚಾಲಕನಿಗೆ ಗಾಯ

ಪಿಎಸ್ಐ ಜೀಪ್​ನಲ್ಲಿ ಗಸ್ತಿಗೆ ಬರುತ್ತಿರುವಾಗ ಕಾರು ಡಿಕ್ಕಿ ಹೊಡೆದಿದೆ. ಪರಿಣಾಮ ಪೊಲೀಸ್ ಜೀಪ್‌ ಪಲ್ಟಿಯಾಗಿರುವ ಘಟನೆ ಶಿವಮೊಗ್ಗದಲ್ಲಿ ನಡೆದಿದೆ.

ಶಿವಮೊಗ್ಗ: ಕಾರು ಡಿಕ್ಕಿ ಹೊಡೆದ ಪರಿಣಾಮ ಪೊಲೀಸ್ ಜೀಪ್ ಪಲ್ಟಿಯಾಗಿರುವ ಘಟನೆ ಶಿವಮೊಗ್ಗ ನಗರದಲ್ಲಿ ನಡೆದಿದೆ.

ಶಿವಮೊಗ್ಗದ ಗೋಪಾಲಗೌಡ ಬಡಾವಣೆಯಲ್ಲಿ ತುಂಗಾನಗರದ ಪಿಎಸ್ಐ ತಿರುಮಲೇಶ್ ಜೀಪ್​​ನಲ್ಲಿ ಗಸ್ತಿಗೆ ಬರುತ್ತಿರುವಾಗ ಎದುರಿನಿಂದ ಬಂದ ಕಾರು ಡಿಕ್ಕಿ ಹೊಡೆದಿದೆ. ಪರಿಣಾಮ ಜೀಪ್‌ ಪಲ್ಟಿಯಾಗಿದ್ದು, ಮುಂಭಾಗದ ಗ್ಲಾಸ್ ಒಡೆದಿದೆ.

ಇನ್ನು ಪಿಎಸ್ಐ ತಿರುಮಲೇಶ್ ಹಾಗೂ ಚಾಲಕರಿಬ್ಬರಿಗೂ ಸಣ್ಣಪುಟ್ಟ ಗಾಯಗಳಾಗಿದ್ದು, ನಗರದ ಮೆಗ್ಗಾನ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಕೊಂಡಿದ್ದಾರೆ.