ಪೂಜೆ, ಪುನಸ್ಕಾರವಷ್ಟೇ ಅಲ್ಲ.. ರಕ್ತದಾನಕ್ಕೂ ಜೈ ಎಂದ ಅರ್ಚಕರು..

ರಕ್ತನಿಧಿಗಳಲ್ಲಿ ರಕ್ತ ಶೇಖರಣೆ ಕೊರತೆ ನೀಗಿಸಲು ಶಿವಮೊಗ್ಗದ ಪುರೋಹಿತ ಯುವ ಪರಿಷತ್​​ನ 35 ರಿಂದ 45 ಪುರೋಹಿತರು ರಕ್ತದಾನ ಮಾಡಿದ್ದಾರೆ.

ಶಿವಮೊಗ್ಗ :ಕೇವಲ ಪ್ರಾರ್ಥನೆ, ಪೂಜೆಗಷ್ಟೇ ಸೀಮಿತವಾಗಿದ್ದ ಅರ್ಚಕರು ಇದೀಗ ಸಾಮಾಜಿಕ ಸೇವೆಗೂ ಮುಂದಾಗಿದ್ದಾರೆ.

ಲಾಕ್​​ಡೌನ್ ಸಂದರ್ಭದಲ್ಲಿ ರಕ್ತನಿಧಿ ಕೇಂದ್ರಗಳಲ್ಲಿ ರಕ್ತದ ಶೇಖರಣೆ ಕೊರತೆಯಾಗಿತ್ತು. ಹೀಗಾಗಿ ರೋಗಿಗಳಿಗೆ ರಕ್ತ ಪೂರೈಕೆ ಮಾಡಲು ಸಮಸ್ಯೆಯಾಗಿತ್ತು. ಕೊರೊನಾ ಸಮಸ್ಯೆ ಹೊರತುಪಡಿಸಿ, ಇತರೆ ರೋಗಿಗಳಿಗೆ ರಕ್ತದ ತುರ್ತು ಅವಶ್ಯಕತೆ ಎದ್ದು ಕಾಣುತ್ತಿದೆ. ಈ ಕಷ್ಟವನ್ನು ಮನಗಂಡ ಶಿವಮೊಗ್ಗದ ಪುರೋಹಿತ ಯುವ ಪರಿಷತ್ ಸದಸ್ಯರು ರಕ್ತದಾನಕ್ಕೆ ಮುಂದಾಗಿದ್ದಾರೆ.

ಶಿವಮೊಗ್ಗದ ರೋಟರಿ ರಕ್ತನಿಧಿ ಕೇಂದ್ರದಲ್ಲಿ ಸುಮಾರು 35 ರಿಂದ 45 ಪುರೋಹಿತರು ರಕ್ತದಾನ ಮಾಡುವುದಲ್ಲದೇ ತಮ್ಮ ಕುಟುಂಬ ವರ್ಗದವರಿಂದಲೂ ರಕ್ತದಾನ ಮಾಡಿಸಿ ಮಾನವೀಯತೆ ಮೆರೆದಿದ್ದಾರೆ.