5 ಲಕ್ಷ ಮೌಲ್ಯದ ಚಿನ್ನಾಭರಣದ ಬ್ಯಾಗ್​​ ಹಿಂದಿರುಗಿಸಿ ಪ್ರಾಮಾಣಿಕತೆ ಮೆರೆದ ಆಟೋ ಚಾಲಕ..

ಪೊಲೀಸರು ಆಟೋ ಚಾಲಕನ ಮೂಲಕವೇ ವಾರಸುದಾರನಿಗೆ ಬ್ಯಾಗ್​​ ತಲುಪಿಸಿದ್ದಾರೆ. ಈ ಸಂದರ್ಭದಲ್ಲಿ ಆಟೋ ಚಾಲಕರು ಹಾಗೂ ಮಾಲೀಕರ ಸಂಘದ ಪದಾಧಿಕಾರಿಗಳು ಹಾಜರಿದ್ದರು..

ಶಿವಮೊಗ್ಗ :ಆಟೋದಲ್ಲಿ ಬಿಟ್ಟು ಹೋಗಿದ್ದ ಸುಮಾರು 5 ಲಕ್ಷ ಮೌಲ್ಯದ ಚಿನ್ನಾಭರಣವನ್ನು ವಾರಸುದಾರರಿಗೆ ವಾಪಸ್ ನೀಡಿ ಚಾಲಕ ಪ್ರಮಾಣಿಕತೆ ಮೆರೆದಿರುವ ಘಟನೆ ನಡೆದಿದೆ.

ನಗರದ ಕರ್ನಾಟಕ ಸಂಘದ ಆಟೋ ನಿಲ್ದಾಣದ ಚಾಲಕ ಮಾಜೀದ್ ಎಂಬುವರ ಆಟೋದಲ್ಲಿ ಪ್ರಯಾಣಿಕರೋರ್ವರು ಆಟೋದಲ್ಲೇ 5 ಲಕ್ಷದ ಚಿನ್ನಾಭರಣವಿದ್ದ ಬ್ಯಾಗ್​​ ಬಿಟ್ಟು ಹೋಗಿದ್ದರು. ಇದನ್ನು ಕಂಡ ಅಟೋ ಚಾಲಕ ತಕ್ಷಣ ಬ್ಯಾಗ್​​ ಅನ್ನು ಕೋಟೆ ಪೊಲೀಸ್​ ಠಾಣೆಗೆ ನೀಡಿದ್ದ.

ಅದೇ ಸಮಯಕ್ಕೆ ಬ್ಯಾಗ್​ ಕಳೆದುಕೊಂಡಿದ್ದ ವ್ಯಕ್ತಿ ದೂರು ನೀಡಲು ಬರುತ್ತಿದ್ದರು. ಈ ವೇಳೆ ಪೊಲೀಸರು ಆಟೋ ಚಾಲಕನ ಮೂಲಕವೇ ವಾರಸುದಾರನಿಗೆ ಬ್ಯಾಗ್​​ ತಲುಪಿಸಿದ್ದಾರೆ. ಈ ಸಂದರ್ಭದಲ್ಲಿ ಆಟೋ ಚಾಲಕರು ಹಾಗೂ ಮಾಲೀಕರ ಸಂಘದ ಪದಾಧಿಕಾರಿಗಳು ಹಾಜರಿದ್ದರು.