ಶಿವಮೊಗ್ಗ ಜನತೆಗೆ ಶುಭ ಸಮಾಚಾರ: ಕೊರೊನಾದಿಂದ 17 ಮಂದಿ ಗುಣಮುಖ

ಕೊರೊನಾದಿಂದ ಗುಣಮುಖರಾದವರನ್ನು ಜಿಲ್ಲಾ ಮೆಗ್ಗಾನ್ ಆಸ್ಪತ್ರೆಯಿಂದ ಬಿಡುಗಡೆಗೊಳಿಸಲಾಗಿದ್ದು, ಮಾರಕ ರೋಗದ ಆತಂಕಕ್ಕೆ ಒಳಗಾಗಿದ್ದವರಿಗೆ ಸ್ವಲ್ಪಮಟ್ಟಿನ ಸಮಾಧಾನ ಉಂಟಾಗಿದೆ.

ಶಿವಮೊಗ್ಗ: ಕೊರೊನಾ ವೈರಸ್​ನಿಂದ ಗುಣಮುಖರಾದ 17 ಮಂದಿಯನ್ನು ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗಿದೆ.

ಜಿಲ್ಲೆಯಲ್ಲಿ ಇಲ್ಲಿಯವರೆಗೆ ಒಟ್ಟು 41 ಜನರಲ್ಲಿ ಕೊರೊನಾ ಪಾಸಿಟಿವ್ ಪ್ರಕರಣ ಪತ್ತೆಯಾಗಿತ್ತು. ಇಂದು 17 ಹಾಗೂ ಈ ಹಿಂದೆ 7 ಜನರು ಸೇರಿ ಒಟ್ಟು 24 ಜನರು ಮಹಾಮಾರಿ ವೈರಸ್‌ನಿಂದ ಗುಣಮುಖರಾಗಿದ್ದು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.

ಇಂದು ಸೋಂಕಿನಿಂದ ಗುಣಮುಖರಾಗಿ ಬಿಡುಗಡೆಯಾದವರ ಪೈಕಿ ಶಿಕಾರಿಪುರದ 1, ಶಿವಮೊಗ್ಗ 4, ಹೊಸನಗರ 3, ಸೊರಬ 2, ಸಾಗರ 1,ತೀರ್ಥಹಳ್ಳಿಯ 6 ಮಂದಿ ಸೇರಿದ್ದಾರೆ.