ರಾಮನಗರ:ಮಳೆ ನೀರು ತನ್ನ ಜಮೀನಿಗೆ ಹರಿದಿದ್ದರಿಂದ ಕೆರಳಿದ ಗ್ರಾ.ಪಂ. ಸದಸ್ಯನೊರ್ವ ಪಕ್ಕದ ಜಮೀನಿನ ಮಹಿಳೆಗೆ ಕಪಾಳಮೋಕ್ಷ ಮಾಡಿರುವ ಘಟನೆ ಜಿಲ್ಲೆಯ ಚನ್ನಪಟ್ಟಣ ತಾಲೂಕಿನ ಮೆಣಸಿಗನಹಳ್ಳಿಯಲ್ಲಿ ನಡೆದಿದೆ. ಘಟನೆಯ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಮೆಣಸಿಗನಹಳ್ಳಿ ಗ್ರಾಮ ಪಂಚಾಯತಿ ಸದಸ್ಯ ಸಿದ್ದರಾಜು ತನ್ನ ಪಕ್ಕದ ಜಮೀನಿನ ರೈತನ ಮಗಳ ಮೇಲೆ ಹಲ್ಲೆ ಮಾಡಿದ್ದಾರೆ. ಸ್ಥಳೀಯರೊಬ್ಬರು ಘಟನೆಯ ದೃಶ್ಯವನ್ನು ಮೊಬೈಲ್ನಲ್ಲಿ ಚಿತ್ರೀಕರಣ ಮಾಡಿದ್ದು, ಸಾಮಾಜಿಕ ತಾಣದಲ್ಲಿ ಹರಿಬಿಡಲಾಗಿದೆ. ಗ್ರಾ.ಪಂ ಸದಸ್ಯನ ಮೇಲೆ ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ರಾಮನಗರದಲ್ಲಿ ಮಹಿಳೆಗೆ ಥಳಿಸಿದ ಗ್ರಾ.ಪಂ ಅಧ್ಯಕ್ಷ