ರಾಮನಗರ: ಮನುಷ್ಯ ಇಹಲೋಕ ತ್ಯಜಿಸಿದಾಗ ನಡೆಸುವ ಅಂತ್ಯ ಸಂಸ್ಕಾರದಂತೆ ಮಂಗಕ್ಕೂ ಸಹ ಎಲ್ಲ ವಿಧಿವಿಧಾನ ನೇರವೇರಿಸಿ ಗ್ರಾಮಸ್ಥರು ಮಾನವೀಯ ಕಾರ್ಯ ಮಾಡಿದ್ದಾರೆ. ತಾಲೂಕಿನ ಕೂಟಗಲ್ ಹೊಬಳಿಯ ಯರೇಹಳ್ಳಿ ಗ್ರಾಮದಲ್ಲಿ ಈ ಘಟನೆ ಜರುಗಿದೆ.
ಅಂತ್ಯ ಸಂಸ್ಕಾರ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಈಚೆಗೆ ಯರೇಹಳ್ಳಿ ಗ್ರಾಮಕ್ಕೆ ಬಂದಿದ್ದ ಕೋತಿ ಗ್ರಾಮಸ್ಥರ ಜೊತೆ ಅವಿನಾಭಾವ ಸಂಬಂಧ ಹೊಂದಿತ್ತು ಎನ್ನಲಾಗಿದೆ. ಇದ್ದಕ್ಕಿದ್ದಂತೆ ಮೇ 13 ರಂದು ಈ ಕೋತಿ ಅಕಾಲಿಕ ಮರಣ ಹೊಂದಿದೆ. ಇದರಿಂದ ನೊಂದ ಗ್ರಾಮಸ್ಥರು ಪ್ಲೆಕ್ಸ್ ಹಾಕಿ ಅದಕ್ಕೆ ಗೌರವ ಸೂಚಿಸಿದ್ದಾರೆ. ನಂತರ ಮರಣ ಹೊಂದಿದ ಕೋತಿಯ ಅಂತ್ಯ ಸಂಸ್ಕಾರವನ್ನು ವಿಧಿವಿಧಾನಗಳ ಮೂಲಕ ನೆರವೇರಿಸಿದ್ದಾರೆ.
ಸಾವಿಗೀಡಾದ ಮಂಗ: ಧಾರ್ಮಿಕ ವಿಧಿವಿಧಾನ ನೆರವೇರಿಸಿದ ಗ್ರಾಮಸ್ಥರು