ಅಭಿವೃದ್ಧಿ ಬಿಟ್ಟು, ಬಿಎಸ್​​ವೈ ಅಧಿಕಾರ ಉಳಿಸಿಕೊಳ್ಳಲು ಸರ್ಕಸ್ ಮಾಡುತ್ತಿದ್ದಾರೆ: ವಾಟಾಳ್​

ಮೇಕೆದಾಟು ಯೋಜನೆಗೆ ತಮಿಳುನಾಡಿನ ಅನುಮತಿ ಬೇಕಾಗಿಲ್ಲ. ಯೋಜನೆಗೆ ಯಾವಾಗ ಶಂಕುಸ್ಥಾಪನೆ ಮಾಡುತ್ತೀರಿ ಅಂತಾ ಶಾಸನಸಭೆಗೂ ಮೊದಲೇ ಘೋಷಣೆ ಮಾಡಬೇಕು ಎಂದು ವಾಟಾಳ್‌ ಆಗ್ರಹಿಸಿದ್ದಾರೆ.

ರಾಮನಗರ: ಕೇಂದ್ರ ಸರಕಾರ ಒಂದು ಕೆಟ್ಟ ಸರಕಾರ. ಮೇಕೆದಾಟು ವಿಚಾರದಲ್ಲಿ ನಮ್ಮ ಸರಕಾರಕ್ಕೂ ಭರವಸೆ ಕೊಡುತ್ತಾರೆ. ತಮಿಳುನಾಡಿನ ಸರಕಾರಕ್ಕೂ ಭರವಸೆ ಕೊಡುತ್ತಾರೆ ಎಂದು ಕನ್ನಡಪರ ಹೋರಾಟಗಾರ ವಾಟಾಳ್ ನಾಗರಾಜ್ ವಾಗ್ಧಾಳಿ ನಡೆಸಿದರು.

ನಗರದಲ್ಲಿ ಮಾತನಾಡಿದ ಅವರು, ಸಿಎಂ ಯಡಿಯೂರಪ್ಪ ಅವರು ಅಧಿಕಾರ ಉಳಿಸಿಕೊಳ್ಳಲು ಸರ್ಕಸ್ ಮಾಡುತ್ತಿದ್ದಾರೆ. ಇದನ್ನು ಬಿಟ್ಟು ರಾಜ್ಯದ ಅಭಿವೃದ್ಧಿ ಕಡೆ ಗಮನಹರಿಸಲಿ ಎಂದರು.

ಮೇಕೆದಾಟು ಯೋಜನೆಗೆ ತಮಿಳುನಾಡಿನ ಅನುಮತಿ ಬೇಕಾಗಿಲ್ಲ. ಯೋಜನೆಗೆ ಯಾವಾಗ ಶಂಕುಸ್ಥಾಪನೆ ಮಾಡುತ್ತೀರಿ ಅಂತಾ ಶಾಸನಸಭೆಗೂ ಮೊದಲೇ ಘೋಷಣೆ ಮಾಡಬೇಕು ಎಂದು ಆಗ್ರಹಿಸಿದರು.