ಮೃತ ವರದಿಗಾರನ ಕುಟುಂಬಕ್ಕೆ ಚೆಕ್​ ನೀಡಿದ ಹೆಚ್​​ಡಿಕೆ... ಅತ್ತೆಯನ್ನು ಚೆನ್ನಾಗಿ ನೋಡಿಕೊಳ್ಳುವಂತೆ ಕಿವಿಮಾತು

ಖಾಸಗಿ ವಾಹಿನಿ ವರದಿಗಾರನ ಮನೆಗೆ ಸ್ವತಃ ಕುಮಾರಸ್ವಾಮಿಯವರೆ ಭೇಟಿ ನೀಡಿ ಮನೆಯವರಿಗೆ ಸಾಂತ್ವನ ಹೇಳಿ, ಐದು ಲಕ್ಷ ಚೆಕ್ ನೀಡಿದರು.

ರಾಮನಗರ: ಖಾಸಗಿ ವಾಹಿನಿ ವರದಿಗಾರ ಹನುಮಂತು ಅಪಘಾತದಿಂದ ಸಾವನ್ನಪ್ಪಿದ್ದು ತಕ್ಷಣ ಸ್ಪಂಧಿಸಿದ್ದ ಮಾಜಿ ಸಿಎಂ ಕುಮಾರಸ್ವಾಮಿ ಐದು ಲಕ್ಷ ಪರಿಹಾರ ಘೋಷಣೆ ಮಾಡಿದ್ದರು.

ಸ್ವತಃ ಕುಮಾರಸ್ವಾಮಿ ಕನಕಪುರ ತಾಲೂಕಿನ ಪಡುವಣಗರೆಯ ಹನುಮಂತು ಮನೆಗೆ ಭೇಟಿ ನೀಡಿ ಮನೆಯವರಿಗೆ ಸಾಂತ್ವನ ಹೇಳಿ, ಐದು ಲಕ್ಷ ರೂ. ಚೆಕ್ ನೀಡಿದರು. ಇದೇ ವೇಳೆ ಅತ್ತೆಯನ್ನು ಚೆನ್ನಾಗಿ ನೋಡಿಕೊಳ್ಳುವಂತೆ ಹನುಮಂತು ಮಡದಿಗೆ ಕಿವಿಮಾತು ಹೇಳಿದರು.