ರಾಮನಗರದಲ್ಲಿ ಇಂದು 35 ಕೊರೊನಾ ಕೇಸ್​ ಪತ್ತೆ​... 25 ಮಂದಿಗೆ ​ವೈದ್ಯ ದಂಪತಿಯಿಂದ ಹರಡಿದ ಸೋಂಕು!

ರಾಮನಗರ ಜಿಲ್ಲೆಯಲ್ಲಿಂದು 35 ಜನರಿಗೆ ಕೊರೊನಾ ಪಾಸಿಟಿವ್​ ಬಂದಿದ್ದು, ಇವರಲ್ಲಿ ಕನಕಪುರದ 25 ಮಂದಿಗೆ ವೈದ್ಯ ದಂಪತಿಯಿಂದ ಸೋಂಕು ಹರಡಿದೆ ಎಂದು ತಿಳಿದು ಬಂದಿದೆ.

ರಾಮನಗರ:ರೇಷ್ಮೆ ನಗರಿಯಲ್ಲಿಂದು 35 ಜನರಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, ಸೋಂಕಿತರ ಸಂಖ್ಯೆ 81ಕ್ಕೆ ಏರಿಕೆಯಾಗಿದೆ.

ಕನಕಪುರದಲ್ಲಿ 25, ಮಾಗಡಿಯಲ್ಲಿ 4, ಚನ್ನಪಟ್ಟಣದಲ್ಲಿ 2, ರಾಮನಗರದಲ್ಲಿ 4 ಜನರಲ್ಲಿ ಸೋಂಕು ಪತ್ತೆಯಾಗಿದೆ. ಕನಕಪುರದ 25 ಮಂದಿಗೆ ಅಲ್ಲಿನ ವೈದ್ಯ ದಂಪತಿಯಿಂದ ಸೋಂಕು ಹರಡಿದೆ ಎಂದು ತಿಳಿದು ಬಂದಿದೆ. ಸೋಂಕಿತರಿಗೆ ಜಿಲ್ಲಾ ಕೋವಿಡ್​ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.