ಜೇಬಿನಲ್ಲಿ ಇಟ್ಟುಕೊಂಡಿದ್ದ ವೇಳೆ ಮೊಬೈಲ್ ದಿಢೀರ್​ ಬ್ಲಾಸ್ಟ್... ಆತಂಕದಲ್ಲಿ ಯುವಕ

ಜೇಬಿನಲ್ಲಿಟ್ಟುಕೊಂಡಿದ್ದ ವೇಳೆ ಮೊಬೈಲ್ ಸ್ಫೋಟಗೊಂಡಿದೆ. ರಾಯಚೂರು ತಾಲೂಕಿನ ಯರಗೇರಾ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಈ ಘಟನೆಯಿಂದ ಫೋನ್​ ಬಳಕೆದಾರರಲ್ಲಿ ಆತಂಕ ಶುರುವಾಗಿದೆ.

ರಾಯಚೂರು: ಮೊಬೈಲ್​ ಬಳಸುವವರು ಬೆಚ್ಚಿ ಬೀಳುವಂತ ಘಟನೆಯೊಂದು ಜಿಲ್ಲೆಯಲ್ಲಿ ಇಂದು ನಡೆದಿದೆ. ಯರಗೇರಾ ಗ್ರಾಮದಲ್ಲಿ ಯವಕನೋರ್ವ ಚಡ್ಡಿಯ ಜೇಬಿನಲ್ಲಿಟ್ಟುಕೊಂಡಿದ್ದ ಮೊಬೈಲ್ ಸ್ಫೋಟಗೊಂಡಿದೆ.

ಅರುಣಕುಮಾರ್​​​​ ಎಂಬುವರಿಗೆ ಸೇರಿದ ಮೊಬೈಲ್ ಬ್ಲಾಸ್ಟ್ ಆಗಿದ್ದು, ಆತ ಗಾಯಗೊಂಡಿದ್ದಾರೆ. ಘಟನೆ ಬಳಿಕ ಮಾತನಾಡಿರುವ ಅರುಣ್​ಕುಮಾರ್ ಅವರು, ಮೊಬೈಲ್​ ಬಳಕೆದಾರರು ಎಚ್ಚರಿಕೆ ವಹಿಸುವಂತೆ ಸಲಹೆ ಸಹ ನೀಡಿದ್ದಾರೆ.

ಘಟನೆಯಿಂದ ಯುವಕ ಮತ್ತು ಆತನ ಕುಟುಂಬಸ್ಥರು ಗಾಬರಿಗೊಂಡಿದ್ದು, ಮೊಬೈಲ್ ಗುಣಮಟ್ಟದ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ದಾರೆ. ಈ​ ಸ್ಫೋಟದಿಂದಾಗಿ ಗ್ರಾಮದಲ್ಲಿ ಮೊಬೈಲ್ ಬಳಸುವ ಜನರಲ್ಲೂ ಆತಂಕ ಶುರುವಾಗಿದೆ.