ರಾಯಚೂರು ಜಿಲ್ಲೆಯ ಇಬ್ಬರಿಗೆ ರಾಜ್ಯೋತ್ಸವ ಪ್ರಶಸ್ತಿ ಗರಿ

ನಾನಾ ಕ್ಷೇತ್ರಗಳಲ್ಲಿ ಸಾಧನೆಗೈದವರಿಗೆ ರಾಜ್ಯ ಸರ್ಕಾರದಿಂದ ನೀಡುವ ರಾಜ್ಯೋತ್ಸವ ಪ್ರಶಸ್ತಿಯೂ, ರಾಯಚೂರು ಜಿಲ್ಲೆಯ ಇಬ್ಬರಿಗೆ ಆ ಗರಿ ಲಭಿಸಿದೆ.

ರಾಯಚೂರು:ಸಂಗೀತ ಕ್ಷೇತ್ರದಲ್ಲಿ ನಿವೃತ್ತ ಐಎಎಸ್ ಅಧಿಕಾರಿ ಡಾ.ಮುದ್ದಮೋಹನ್ ಹಾಗೂ ಜಾನಪದ ಕ್ಷೇತ್ರದಿಂದ ಉಸ್ಮಾನಸಾಬ್ ಖಾದರ್ ಸಾಬ್ ಗೆ ಪ್ರಶಸ್ತಿ ಗರಿ ಲಭಿಸಿದೆ.

ಡಾ.ಮುದ್ದುಮೋಹನ್:ಡಾ.ಮುದ್ದುಮೋಹನ್ರಾಯಚೂರು ಜಿಲ್ಲೆಯ ಮಸ್ಕಿ ಸಮೀಪದ ಬಳಗಾನೂರು ಗ್ರಾಮದ ಮೂಲದವರಾಗಿದ್ದಾರೆ. ಇವರ ತಾಯಿ ಸಂಗೀತದ ವಿಶೇಷ ಆಸಕ್ತಿ ಹೊಂದಿರವ ಹಿನ್ನಲೆಯಿಂದಾಗಿ ಮನೆಯಲ್ಲಿ ಹಾಡುತ್ತಿದ್ದರು. ಹೀಗಾಗಿ ಬಾಲ್ಯದಿಂದ ಸಂಗೀತ ಆಸಕ್ತಿಯನ್ನ ರೂಢಿಸಿಕೊಂಡು ಸಂಗೀತ ಲೋಕಕ್ಕೆ ಕಾಲಿಟ್ಟರು. ತಮ್ಮ ವಿಶೇಷ ಕಂಠ ಸಿರಿಯ ಮೂಲಕ ಸಂಗೀತ ಕ್ಷೇತ್ರದಲ್ಲಿ ಹೆಸರುಗಳಿಸಿ, ದೇಶ, ವಿದೇಶಗಳಲ್ಲಿ ತಮ್ಮ ಚಾಪು ಮೂಡಿಸಿದ್ದಾರೆ. ಇನ್ನೂ ಇವರ ತಂದ ನಿಜಾಂ ಆಡಳಿತಾವಧಿಯಲ್ಲಿ ಅಧಿಕಾರಿಯಾಗಿದ್ದ ಹಿನ್ನೆಲೆ, ಶಿಕ್ಷಣವನ್ನ ಕಲಿತು ಐಎಎಸ್ ಹುದ್ದೆ ಅಲಂಕಾರಿಸಿದ್ದರು. ಇದೀಗ ಸಂಗೀತ ಕ್ಷೇತ್ರದಿಂದ ರಾಜ್ಯೋತ್ಸವದ ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದಾರೆ.

ಉಸ್ಮಾನ್ ಸಾಬ್ ಖಾದರ್ ಸಾಬ್:

ಸಿಂಧನೂರು ತಾಲೂಕಿನ ಅಲಬನೂರಿನ ಗ್ರಾಮದ ನಿವಾಸಿಯಾಗಿರುವ ಉಸ್ಮಾನ್ ಸಾಬ್ ಖಾದರ್ ಸಾಬ್, ರಂಗಭೂಮಿ ಕಲಾವಿದರಾಗಿದ್ದಾರೆ. ಭಾವೈಕ್ಯತೆ ಸಾರುವಂತಹ ಜಾನಪದ ಹಾಡುಗಳನ್ನ ಕಲಿತಿರುವ ಇವರು, ಡೊಳ್ಳಿನ ಹಾಡು, ಭಜನೆ ಪದ, ತತ್ವಪದಗಳು, ವಚನಗಳು, ಶರಣರ, ದಾಸರ ಹಾಡುಗಳು ಹಾಡುವ ಮೂಲಕ ವಿಶೇಷ ಗಮನ ಸೆಳೆದಿದ್ದಾರೆ. ಪಿಯುಸಿವರೆಗೆ ವಿದ್ಯಾಬ್ಯಾಸ ಮಾಡಿರುವವ ಉಸ್ಮಾನ್ ಸಾಬ್ ಜಾನಪದ ಲೋಕದಲ್ಲಿ ವಿಶೇಷ ಹಾಡುಗಳನ್ನ ಹಾಡುವ ಮೂಲಕ ಸಾಧನೆಗೈದಿರುವುದನ್ನು ಗುರ್ತಿಸಿ ಇದೀಗ ರಾಜ್ಯ ಸರ್ಕಾರ ರಾಜ್ಯೋತ್ಸವ ಪ್ರಶಸ್ತಿಯನ್ನ ನೀಡಿ ಗೌರವಿಸಿದೆ.