ರಾಯಚೂರಿನಲ್ಲಿ ಇಂದು 18 ಕೊರೊನಾ ಕೇಸ್​ ಪತ್ತೆ: 403ಕ್ಕೆ ಏರಿದ ಸೋಂಕಿತರ ಸಂಖ್ಯೆ

ರಾಯಚೂರಿನಲ್ಲಿ ಇಂದು 18 ಪ್ರಕರಣ ಸೇರಿದಂತೆ ಇದುವರೆಗೆ 403 ಕೊರೊನಾ ಪ್ರಕರಣಗಳು ಜಿಲ್ಲೆಯಲ್ಲಿ ಕಾಣಿಸಿಕೊಂಡಿದ್ದು, ಇವರಲ್ಲಿ 91 ಜನರನ್ನ ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗಿದೆ.

ರಾಯಚೂರು: ಜಿಲ್ಲೆಗೆ ಮಹಾಮಾರಿ ಕೊರೊನಾ ಸೋಂಕು ಬೆಂಬಿಡದಂತೆ ಕಾಡುತ್ತಿದೆ. ಇಂದು ಒಂದೇ ದಿನ 18 ಜನರಿಗೆ ಕೋವಿಡ್​ ಸೋಂಕು ದೃಢಪಟ್ಟಿದ್ದು, ಈ ಮೂಲಕ ಸೋಂಕಿತರ ಸಂಖ್ಯೆ 403ಕ್ಕೆ ಏರಿಕೆಯಾಗಿದೆ.

ಇಂದು ದೃಢಪಟ್ಟಿರುವ 18 ಸೋಂಕಿತರಲ್ಲಿ ಮಹಾರಾಷ್ಟ್ರದಿಂದ ಮರಳಿದ ಮೂವರು ಬಾಲಕಿಯರು ಸೇರಿದಂತೆ 10 ಜನ, ತೆಲಂಗಾಣದಿಂದ ಮರಳಿದ ಪಿ-7165, 34 ವರ್ಷದ ವ್ಯಕ್ತಿ, ಪಿ-7166, 38 ವರ್ಷದ ವ್ಯಕ್ತಿ ಹಾಗೂ ತಮಿಳುನಾಡಿನಿಂದ ಬಂದ ಪಿ-7164, 42 ವರ್ಷದ ಪುರುಷನಿಗೆ ಸೋಂಕು ತಗುಲಿದೆ. ಕಂಟೈನ್ಮೆಂಟ್​ ಝೋನ್ ಪಿ-7172, 37 ವರ್ಷದ ವ್ಯಕ್ತಿಯ ವರದಿ ಕೂಡಾ ಪಾಸಿಟಿವ್ ಬಂದಿದೆ.

ಸೋಂಕಿತರನ್ನ ಓಪೆಕ್ ಕೋವಿಡ್-19 ವಾರ್ಡ್​ಗೆ ಚಿಕಿತ್ಸೆಗೆ ದಾಖಲಿಸಲಾಗಿದ್ದು, ಸೋಂಕಿತರ ಪ್ರಾಥಮಿಕ, ದ್ವಿತೀಯ ಸಂಪರ್ಕಿತರ ಮಾಹಿತಿಯನ್ನ ಸಂಗ್ರಹಿಸಲಾಗುತ್ತಿದೆ.

ಇಂದು 18 ಪ್ರಕರಣ ಸೇರಿದಂತೆ ಇದುವರೆಗೆ 403 ಕೊರೊನಾ ಪ್ರಕರಣಗಳು ಜಿಲ್ಲೆಯಲ್ಲಿ ಕಾಣಿಸಿಕೊಂಡಿವೆ. ಇವರಲ್ಲಿ 91 ಜನರನ್ನ ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗಿದೆ. ಉಳಿದಂತೆ 310 ಸಕ್ರಿಯ ಪ್ರಕರಣಗಳು ಬಾಕಿ ಇವೆ.