ಪೊಲೀಸ್ ಇಲಾಖೆಗೆ ಹಗಲಿರುಳು ಸಹಕಾರ ನೀಡುವವರಿಗೆ ₹5 ಸಾವಿರ ನೆರವು : ಎಸ್​ಪಿ ಪ್ರಕಾಶ್ ನಿಕ್ಕಮ್

ಬಹುತೇಕ ಚಾಲಕರು ವಾಹನಗಳನ್ನು ಚಲಾಯಿಸುವಾಗ ಮೊಬೈಲ್​ ಬಳಕೆ ಮಾಡುತ್ತಾರೆ. ಇಲ್ಲದ ನೆಪ ಮುಂದಿಟ್ಟು ಹೆಲ್ಮೆಟ್ ಧರಿಸಲ್ಲ. ಸಂಚಾರಿ ನಿಯಮ ಪಾಲನೆ ಮಾಡುತ್ತಿಲ್ಲ..

ರಾಯಚೂರು :ಪೊಲೀಸ್ ಇಲಾಖೆಗೆ ಹಗಲಿರುಳು ಸಹಕಾರ ನೀಡುವ ಸಮಾಜ ಸೇವಕರಿಗೆ ತಲಾ 5 ಸಾವಿರ ರೂ. ನಗದು ಹಾಗೂ ಪ್ರಶಸ್ತಿ ಪತ್ರ ನೀಡಲಾಗುವುದು ಎಂದು ಪೊಲೀಸ್ ವರಿಷ್ಠಾಧಿಕಾರಿ ಪ್ರಕಾಶ್ ನಿಕ್ಕಮ್ ಹೇಳಿದರು.

ಜಿಲ್ಲೆಯ ಲಿಂಗಸುಗೂರಲ್ಲಿ ಪೊಲೀಸ್ ಸಂಚಾರಿ ವೃತ್ತ ಮತ್ತು 32ನೇ ರಾಷ್ಟ್ರೀಯ ರಸ್ತೆ ಸುರಕ್ಷತಾ ಮಾಸಾಚರಣೆ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ಜನಸ್ನೇಹಿ ಪೊಲೀಸ್ ಸೇವೆ ಮಾಡುವಂತೆ ಸಲಹೆ ನೀಡಿದರು.

ಬಹುತೇಕ ಚಾಲಕರು ವಾಹನಗಳನ್ನು ಚಲಾಯಿಸುವಾಗ ಮೊಬೈಲ್​ ಬಳಕೆ ಮಾಡುತ್ತಾರೆ. ಇಲ್ಲದ ನೆಪ ಮುಂದಿಟ್ಟು ಹೆಲ್ಮೆಟ್ ಧರಿಸಲ್ಲ. ಸಂಚಾರಿ ನಿಯಮ ಪಾಲನೆ ಮಾಡುತ್ತಿಲ್ಲ.

ಹೀಗಾಗಿ, ಅಪಘಾತಗಳ ಸಂಖ್ಯೆ ಹೆಚ್ಚಾಗುತ್ತಿವೆ ಎಂದು ಕಳವಳ ವ್ಯಕ್ತಪಡಿಸಿದರು. ಈ ಸಂದರ್ಭದಲ್ಲಿ ಪೊಲೀಸ್ ಇಲಾಖೆ ಜೊತೆಗೆ ಸಹಕಾರ ನೀಡುತ್ತಿರುವವರನ್ನು ಇಲಾಖೆ ವತಿಯಿಂದ ಸನ್ಮಾನಿಸಲಾಯಿತು.