ರಾಯಚೂರು:ಬಿಸಿಲೂರು ಎಂದೇ ಖ್ಯಾತಿ ಪಡೆದ ರಾಯಚೂರು ಜಿಲ್ಲೆಯಲ್ಲಿ ಇತ್ತೀಚೆಗೆ ಹಸಿರೀಕರಣ ಪ್ರಜ್ಞೆ ಹೆಚ್ಚುತ್ತಿದೆ. ಜಿಲ್ಲೆಯ ಸಿಂಧನೂರು ಪಟ್ಟಣದಲ್ಲಿ ಹಲವು ಸಂಘ-ಸಂಸ್ಥೆಗಳು ಈಗಾಗಲೇ ಸಾವಿರಾರು ಗಿಡಗಳನ್ನು ನೆಡುವ ಮೂಲಕ ಹಸಿರು ಕ್ರಾಂತಿಗೆ ಮುಂದಾಗಿದ್ದು, ಒಂದೆರಡು ವರ್ಷಗಳಲ್ಲಿ ಇಲ್ಲಿನ ವಾತಾವರಣ ಬದಲಾಗಬಹುದು ಎನ್ನುವಂತಿದೆ.
ಬೇಸಿಗೆ ಬಂದರೆ ಈ ಭಾಗದಲ್ಲಿ ನೆರಳು ಸಿಗುವುದಿಲ್ಲ. ಮಧ್ಯಾಹ್ನದ ಹೊತ್ತು ಜನ ಹೊರಗೆ ಬರುವುದು ಕೂಡ ವಿರಳ ಎನ್ನುವಂತಿರುತ್ತದೆ. ಇಂಥ ಸನ್ನಿವೇಶ ಮನಗಂಡ ಸಿಂಧನೂರಿನ ಸಂಘಟನೆಯೊಂದು ಹಸಿರು ತೋರಣ ಎಂಬ ಕಾರ್ಯಕ್ರಮದಡಿ ಸುಮಾರು 3 ಸಾವಿರಕ್ಕೂ ಅಧಿಕ ಗಿಡಗಳನ್ನು ನೆಟ್ಟು ಹಸೀರಿಕರಣಕ್ಕೆ ಮುಂದಾಗಿದೆ. ನಗರದ ದುದ್ದುಪುಡಿ ಮಹಿಳಾ ಕಾಲೇಜ್, ಎನ್ಎಸ್ಎಸ್ ಹಾಗೂ ವಿವಿಧ ಸಂಘ-ಸಂಸ್ಥೆಗಳ ಸಹಯೋಗದಲ್ಲಿ ಈ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.
ಹಸಿರು ಕ್ರಾಂತಿಗೆ ಮುಂದಾದ ಸಿಂಧನೂರು