ಅತಿಯಾದ ರಾಸಾಯನಿಕ ಸಿಂಪಡಣೆ ; ವಿದೇಶದಲ್ಲಿ ಡಿಮ್ಯಾಂಡ್ ಕಳೆದುಕೊಳ್ಳುತ್ತಿದೆ ಸೋನಾ ಮಸೂರಿ!

ಅಕ್ಕಿ ರಫ್ತು ಆಗಬೇಕಾದ್ರೆ ಮೊದಲು ಪ್ರಯೋಗಾಲಯದಲ್ಲಿ ಪರೀಕ್ಷೆಗೊಳಪಡಿಸಲಾಗುತ್ತದೆ. ಅದರಲ್ಲಿ ಉಳಿದಿರುವ ಕೀಟನಾಶಕ ಅಂಶವೇ ಶೇಷಾಂಶ. ಆದ್ರೆ, ಅಕ್ಕಿ ಸೇವನೆಗೆ ಯೋಗ್ಯವೆನಿಸಬೇಕಾದ್ರೆ ಮಿತಿ ನಿಗದಿಪಡಿಸಲಾಗಿರುವ ಕೀಟನಾಶಕದ ಪ್ರಮಾಣವನ್ನು ದಾಟಬಾರದು. ಉದಾಹರಣೆ ಪ್ರತಿ ಕೆಜಿ ಅಕ್ಕಿಯಲ್ಲಿ 0.01 ಮಿಲಿ ಗ್ರಾಂನಷ್ಟು ಕೀಟನಾಶಕ ಅಂಶ ಉಳಿದಿದ್ದರೆ ಅದು ಕೀಟನಾಶಕದ ಅಂಶ..

ರಾಯಚೂರು : ದಕ್ಷಿಣ ಭಾರತದ ರಾಜ್ಯಗಳಾದ ಆಂಧ್ರಪ್ರದೇಶ, ತೆಲಂಗಾಣ, ಕರ್ನಾಟಕ, ತಮಿಳುನಾಡಿನಲ್ಲಿ ಸೋನಾ ಮಸೂರಿ ಅಕ್ಕಿಯನ್ನ ಅಧಿಕವಾಗಿ ಬೆಳೆಯಲಾಗುತ್ತದೆ. ಇಲ್ಲಿ ಬೆಳೆದಂತಹ ಅಕ್ಕಿಯನ್ನ ಐರೋಪ್ಯ ಒಕ್ಕೂಟ, ಇರಾನ್ ಹಾಗೂ ಅಮೆರಿಕದ ಮಾರುಕಟ್ಟೆಗಳಲ್ಲಿ ರಫ್ತು ಮಾಡಲಾಗುತ್ತಿತ್ತು. ಆದ್ರೀಗ ಲಾಭದಾಯಕ ಕೃಷಿ ಬೆನ್ನು ಹತ್ತಿರುವ ರೈತ ಬೆಳೆಗೆ ಅತಿಯಾದ ರಾಸಾಯಿನಿಕ ಸಿಂಪಡನೆ ಮಾಡುತ್ತಿರುವುದರಿಂದ ವಿದೇಶದಲ್ಲಿ ಇದರ ಬೇಡಿಕೆ ಕುಸಿತವಾಗಿದೆ.

ಬೆಳೆಗೆ ಬೆಂಕಿ ರೋಗ ಹರಡಿದ ಸಂದರ್ಭದಲ್ಲಿ ಟ್ರಸೈಕ್ಲೋಝೋಲ್‌ನ 10 ಲೀಟರ್ ನೀರಿಗೆ 6 ಗ್ರಾಂನಷ್ಟು ಬಳಕೆ ಮಾಡಬೇಕು. ಇದರ ಮಾದರಿಯಲ್ಲಿ ಐಸೊಪ್ರೊಥಿಯೋಲೇನ್ ಎಂಬ ಔಷಧವನ್ನು 10 ಲೀಟರ್ ನೀರಿಗೆ 15 ಮಿಲಿ ಲೀಟರ್‌ನಷ್ಟು ಬಳಸಬೇಕು. ಇದರ ಬಗ್ಗೆ ಮಾಹಿತಿಯಿಲ್ಲದೆ ರೈತರು ವಿಪರೀತವಾಗಿ ಕೀಟನಾಶಕವನ್ನ ಬಳಸುತ್ತಿದ್ದಾರೆ.

ಇದರಿಂದ ಕೀಟನಾಶಕದ ಶೇಷಾಂಕ ಉಳಿಯುತ್ತದೆ. ಯೂರೋಪ್ ಮಾರುಕಟ್ಟೆಯಲ್ಲಿ ಅಕ್ಕಿಯನ್ನು ಮಾರಾಟಮಾಡಬೇಕಾದ್ರೆ ಟ್ರೈಸೈಕ್ಲೋಝೀಲ್ ಶೇಷಾಂಶ ಪ್ರತಿ ಕೆಜಿಯಲ್ಲಿ 0.01 ಮಿಲಿ ಗ್ರಾಂ ಮೀರಬಾರದು. ಅಮೆರಿಕಾದಲ್ಲಿ ಪ್ರತಿ ಕೆಜಿಗೆ 0.01 ಮಿಲಿ ಗ್ರಾಮ ಮೀರಬಾರದು. ಹೀಗಾಗಿ ಅಂತಾರಾಷ್ಟ್ರೀಯ ಮಾರುಕಟೆಯಲ್ಲಿ ಅಕ್ಕಿ ಮಾರುಕಟ್ಟೆಗೆ ಹೊಡೆತ ಬೀಳುವ ಮೂಲಕ ಬೇಡಿಕೆ ಕುಸಿತ ಕಾಣುತ್ತಿದೆ ಎನ್ನುತ್ತಾರೆ ಕೃಷಿ ವಿವಿಯ ಕುಲಪತಿಗಳು.

ಓದಿ:ನಾಳೆಯಿಂದ ರಾಜ್ಯದ 5 ಜಿಲ್ಲೆಗಳಲ್ಲಿ ಕೊರೊನಾ ವ್ಯಾಕ್ಸಿನ್ ಡ್ರೈ ರನ್ ಆರಂಭ

ರಾಯಚೂರು, ಬಳ್ಳಾರಿ, ಕೊಪ್ಪಳ,ಯಾದಗಿರಿ ಸೇರಿ ಕಲ್ಯಾಣ ಕರ್ನಾಟಕ ಭಾಗದಲ್ಲಿ ಸೋನಾಮಸೂರಿ ಭತ್ತವನ್ನ ಬೆಳೆಯಲಾಗುತ್ತಿದೆ. ಕೀಟನಾಶಕ ಸಿಂಪಡನೆ, ರಾಸಾಯನಿಕ ಔಷಧಿಗಳ ಬಳಕೆ ಬಗ್ಗೆ ರೈತರಿಗೆ ಕೃಷಿ ವಿಜ್ಞಾನಗಳ ವಿಶ್ವವಿದ್ಯಾಲಯದಿಂದ ಜಾಗೃತಿ ಮೂಡಿಸುವಂತೆ ಸರ್ಕಾರ ಸೂಚನೆ ನೀಡಿರುವುದರಿಂದ ಅದರನ್ವಯ ಕಾರ್ಯ ನಡೆಸಲಾಗುತ್ತಿದೆ ಎನ್ನುತ್ತಾರೆ ಕೃಷಿ ವಿವಿಯ ಅಧಿಕಾರಿಗಳು.

ಶೇಷಾಂಶ ಅಂದರೇನು?:ಅಕ್ಕಿ ರಫ್ತು ಆಗಬೇಕಾದ್ರೆ ಮೊದಲು ಪ್ರಯೋಗಾಲಯದಲ್ಲಿ ಪರೀಕ್ಷೆಗೊಳಪಡಿಸಲಾಗುತ್ತದೆ. ಅದರಲ್ಲಿ ಉಳಿದಿರುವ ಕೀಟನಾಶಕ ಅಂಶವೇ ಶೇಷಾಂಶ. ಆದ್ರೆ, ಅಕ್ಕಿ ಸೇವನೆಗೆ ಯೋಗ್ಯವೆನಿಸಬೇಕಾದ್ರೆ ಮಿತಿ ನಿಗದಿಪಡಿಸಲಾಗಿರುವ ಕೀಟನಾಶಕದ ಪ್ರಮಾಣವನ್ನು ದಾಟಬಾರದು. ಉದಾಹರಣೆ ಪ್ರತಿ ಕೆಜಿ ಅಕ್ಕಿಯಲ್ಲಿ 0.01 ಮಿಲಿ ಗ್ರಾಂನಷ್ಟು ಕೀಟನಾಶಕ ಅಂಶ ಉಳಿದಿದ್ದರೆ ಅದು ಕೀಟನಾಶಕದ ಅಂಶ.

ಉಳಿದಿರುವುದು ಗರಿಷ್ಠ ಶೇಷಾಂಶ. ಶೇಷಾಂಶ ಅದಕ್ಕಿಂತಲೂ ಕಡಿಮೆ ಇರಬೇಕು ಇಲ್ಲವೇ ಇರಬಾರದು. ಮಾನದಂಡದ ಪ್ರಮಾಣಕ್ಕಿಂತ ಶೇಷಾಂಶ ಹೆಚ್ಚು ಇದ್ದರೆ ಅಂತಹ ಅಕ್ಕಿಯ ಸೇವನೆ ಜೀವಕ್ಕೆ ಹಾನಿಕಾರಕ ಎನ್ನುವುದು ವಿಜ್ಞಾನಿಗಳ ಅಭಿಪ್ರಾಯವಾಗಿದೆ.