ಕೃಷಿಗೆ ಹೈಟೆಕ್​ ಟಚ್ ನೀಡಲು ಮುಂದಾದ ರಾಯಚೂರು ಕೃಷಿ ವಿವಿ: ಕೀಟನಾಶಕ ಸಿಂಪಡಣೆಗೆ ಡ್ರೋನ್ ಬಳಕೆ

ಕಳೆದ‌ ಎರಡು ವರ್ಷಗಳಿಂದ ರಾಯಚೂರು ಕೃಷಿ ತಾಂತ್ರಿಕ ಮಹಾವಿದ್ಯಾಲಯದಿಂದ ಬೆಳೆಗಳಿಗೆ ಕೀಟನಾಶಕ, ಪೋಷಕಾಂಶ ಸಿಂಪಡಣೆ ಮಾಡಲು ಡ್ರೋನ್ ಬಳಸುವ ಯೋಜನೆ ಕೈಗೆತ್ತಿಕೊಂಡಿತ್ತು. ಈ ಯೋಜನೆಗೆ ಡ್ರೋನ್‌ಗೆ ಬೇಕಾದ ಬಿಡಿ ಭಾಗಗಳನ್ನ ತರಿಸಿಕೊಂಡು, ಮೊದಲ ಹಂತ 5 ಲೀಟರ್ ಸಾಮರ್ಥ್ಯ ಕ್ರಿಮಿನಾಶಕ ಸಿಂಪಡಣೆ ಯೋಜನೆ ರೂಪಿಸಿತ್ತು. ಡ್ರೋನ್ ಸಿದ್ಧಪಡಿಸಿ, ಕೃಷಿ ಆವರಣದಲ್ಲಿನ ಪ್ರಾಯೋಗಿಕ ಔಷಧಿ ಸಿಂಪಡಣೆ ಮಾಡಿತ್ತು.

ರಾಯಚೂರು: ಕೃಷಿಗೆ ಹೈಟೆಕ್​ ಟಚ್ ನೀಡಲು ಹಲವು ತಂತ್ರಜ್ಞಾನವನ್ನು ಬಳಕೆ ಮಾಡಲಾಗುತ್ತಿದೆ. ಇದೀಗ ಕೃಷಿ ಕ್ಷೇತ್ರದಲ್ಲಿ ರಾಜ್ಯದಲ್ಲಿ ಹೊಸದಾಗಿ ಮೈಲಿಗಲ್ಲು ಸ್ಥಾಪಿಸುವ ನಿಟ್ಟಿನಲ್ಲಿ ರಾಯಚೂರು ಕೃಷಿ ವಿಶ್ವವಿದ್ಯಾಲಯ ಹೊಸ ಪ್ರಯೋಗಾತ್ಮಕ ಪರೀಕ್ಷೆಗೆ ಮುಂದಾಗಿದೆ. ಇದಕ್ಕೆ ಕೇಂದ್ರ ಸರ್ಕಾರ ಅನುಮತಿ ನೀಡಿದ್ದು, ಪ್ರಯೋಗಾತ್ಮಕ್ಕೆ ಪರೀಕ್ಷೆಗೆ ಅಣಿಯಾಗಿದೆ. ಈ ಕುರಿತು ಒಂದು ವರದಿ ಇಲ್ಲಿದೆ.

ಕೃಷಿ ಕ್ಷೇತ್ರದಲ್ಲಿ ಕೂಲಿ ಕಾರ್ಮಿಕರ ಸಮಸ್ಯೆ ಎದುರಾಗುತ್ತಿದೆ. ಇದರಿಂದ ರೈತರು ಬೆಳೆದ ಬೆಳೆಗಳಿಗೆ ಕೀಟನಾಶಕ, ಪೋಷಕಾಂಶ ಸಿಂಪಡಣೆ ಮಾಡಲು ರೈತರಿಗೆ ಸಮಸ್ಯೆಯಿದೆ. ಜೊತೆಗೆ ಈ ಔಷಧಿ ಸಿಂಪಡಣೆಯಿಂದ ಕಾಯಿಲೆಗಳು ಸಹ ಬರುತ್ತದೆ ಎಂದು ತಜ್ಞರ ವರದಿ ಹೇಳುತ್ತಿದೆ. ಈ ಸಮಸ್ಯೆಯನ್ನು ದೂರ ಮಾಡಲು, ವಿದೇಶಗಳಲ್ಲಿ ಆಳವಡಿಸಿಕೊಳ್ಳುತ್ತಿರುವ ಆಧುನಿಕ ಕೃಷಿ ಪದ್ಧತಿಯನ್ನ ರಾಜ್ಯದಲ್ಲಿ ಆಳವಡಿಸುವ ಉದ್ದೇಶವನ್ನು ರಾಯಚೂರು ಕೃಷಿ ವಿಶ್ವವಿದ್ಯಾಲಯದ ಕೃಷಿ ತಾಂತ್ರಿಕ ಮಹಾವಿದ್ಯಾಲಯ ಹೊಂದಿದೆ. ಕೃಷಿಗೆ ಹೈಟೆಕ್​ ನೀಡಿಡುವ ಅವಿಷ್ಕಾರದ ಕೊನೆಯ ಹಂತಕ್ಕೆ ತಲುಪಿದೆ.

ರಾಯಚೂರು ಕೃಷಿ ವಿಶ್ವವಿದ್ಯಾಲಯ ..

ಕಳೆದ‌ ಎರಡು ವರ್ಷಗಳಿಂದ ರಾಯಚೂರು ಕೃಷಿ ತಾಂತ್ರಿಕ ಮಹಾವಿದ್ಯಾಲಯದಿಂದ ಬೆಳೆಗಳಿಗೆ ಕೀಟನಾಶಕ, ಪೋಷಕಾಂಶ ಸಿಂಪಡಣೆ ಮಾಡಲು ಡ್ರೋನ್ ಬಳಕೆ ಮಾಡುವ ಯೋಜನೆ ಕೈಗೆತ್ತಿಕೊಂಡಿತ್ತು. ಈ ಯೋಜನೆಗೆ ಡ್ರೋನ್‌ಗೆ ಬೇಕಾದ ಬಿಡಿ ಭಾಗಗಳನ್ನ ತರಿಸಿಕೊಂಡು, ಮೊದಲ ಹಂತ 5 ಲೀಟರ್ ಸಾಮರ್ಥ್ಯ ಕ್ರಿಮಿನಾಶಕ ಸಿಂಪಡಣೆ ಯೋಜನೆ ರೂಪಿಸಿತ್ತು. ಡ್ರೋನ್ ಸಿದ್ಧಪಡಿಸಿ, ಕೃಷಿ ಆವರಣದಲ್ಲಿನ ಪ್ರಾಯೋಗಿಕ ಔಷಧಿ ಸಿಂಪಡಣೆ ಮಾಡಿತ್ತು. ಇದರಲ್ಲಿ ಯಶಸ್ಸು ಕಂಡು ಬಳಿಕ, 5 ಲೀಟರ್ ಸಾಮರ್ಥ್ಯವನ್ನ ಹೆಚ್ಚಿಸಬೇಕು ಎನ್ನುವ ಉದ್ದೇಶದಿಂದ 20 ಲೀಟರ್ ಸಾಮರ್ಥ್ಯ ಹೊತ್ತುಕೊಂಡು ಹೋಗಬಲ್ಲ ಡ್ರೋನ್ ಸಿದ್ಧಪಡಿಸಿಕೊಂಡಿತ್ತು. ಇದಕ್ಕಾಗಿ ‌ದೇಶ-ವಿದೇಶಗಳಿಂದ ಬಿಡಿ ಭಾಗಗಳನ್ನ ತರಿಸಿಕೊಂಡು ಸಿದ್ಧಪಡಿಸಿತ್ತು. 20 ಲೀಟರ್ ಭಾರವನ್ನ ಹೊತ್ತೊಯ್ಯುವ ರೀತಿಯಲ್ಲಿ ಡ್ರೋನ್ ಸಿದ್ಧಪಡಿಸಿ, ಇದನ್ನ ಸಹ ಕೃಷಿ ವಿವಿ ಆವರಣದಲ್ಲಿನ ಬೆಳದ ಕಡಲೆ, ಶೇಂಗಾ, ಭತ್ತದ ಬೆಳೆಗಳಿಗೆ ಸಿಂಪಡಣೆ ಪ್ರಾಯೋಗಿಕ ಪರೀಕ್ಷೆ ಮಾಡಿತ್ತು. ಇದರಲ್ಲಿ ಯಶಸ್ಸು ಕಂಡ ಬಳಿಕ ರೈತರಿಗೆ ಉಪಯೋಗಿಸಲು ಸರ್ಕಾರಕ್ಕೆ ಪ್ರಸ್ತಾವನೆಯನ್ನು ಕೃಷಿ ವಿವಿಯಿಂದ ಸಲ್ಲಿಸಲಾಯಿತು.

ಆದರೆ ರಾಷ್ಟ್ರೀಯ ಭದ್ರತಾ ದೃಷ್ಟಿಯಿಂದ ಬಳಕೆ ವಿಚಾರಕ್ಕೆ ಹಲವು ತಾಂತ್ರಿಕ ತೊಡಕುಗಳು ಎದುರಾದವು. ಇದರಿಂದ ಕೃಷಿ ವಿವಿಯಿಂದ ಡ್ರೋನ್​ ಮೂಲಕ ಔಷಧಿ ಸಿಂಪಡಣೆ ವಿಚಾರಕ್ಕೆ ಯೋಜನೆ ನಿರಾಸೆ ಮೂಡಿಸಿತ್ತು. ಆದರೆ ಇದೀಗ ಕೆಲವೊಂದು ಷರತ್ತು ವಿಧಿಸುವ ಮೂಲಕ ರೈತರ ಹೊಲದಲ್ಲಿ ಪ್ರಾತ್ಯಕ್ಷಿಕೆ ನಡೆಸಲು ಸರ್ಕಾರ ಅನುಮತಿ ನೀಡಿದೆ. ಪ್ರಸಕ್ತ ಮುಂಗಾರು ಹಂಗಾಮಿಗೆ ರೈತರ ಬೆಳೆಗಳಿಗೆ ಡ್ರೋಣ್ ಮೂಲಕ ಔಷಧಿ ಸಿಂಪಡಣೆಗೆ ಸಿದ್ಧಗೊಂಡಿದೆ.

ಈ ಡ್ರೋನ್​ಗೆ ಜಿಪಿಎಸ್ ಆಳವಡಿಕೆ ಮಾಡಿದ್ದು, ರೈತರ ಹೊಲದ ಪ್ರದೇಶದ ಮ್ಯಾಪ್ ಮೂಲಕ ಪಡೆದು ಹಾಕಿದ್ರೆ, ಸೀಮಿತ ಪ್ರದೇಶಕ್ಕೆ ಔಷಧಿ ಸಿಂಪಡಣೆ ವ್ಯವಸ್ಥೆ ಮಾಡಲಾಗಿದೆ. ಅಲ್ಲದೇ ಡ್ರೋನ್​ ಮೂಲಕ ಔಷಧಿ ಸಿಂಪಡಣೆಯಿಂದ ಬೇರೆ ಬೆಳೆಗಳಿಗೆ ತೊಂದರೆ ಆಗುತ್ತವೆ ಎನ್ನುವ ಮಾತುಗಳು ಸಹ ಕೇಳಿಬರುತ್ತಿವೆ. ಇದನ್ನ ಪರಿಗಣಿಸಿ ಸೀಮಿತ ಪ್ರದೇಶಕ್ಕೆ ಔಷಧಿ ಸಿಂಪಡಣೆ ವ್ಯವಸ್ಥೆ ಮಾಡಲಾಗಿದೆ. ಅಲ್ಲದೇ ರೈತರು ಬೆಳೆಗಳಿಗೆ ಕಿಟನಾಶಕವಾಗಲಿ, ಪೋಷಕಾಂಶದ ನೀರನ್ನು ಅಧಿಕವಾಗಿ ಬಳಸುತ್ತಾರೆ. ಹೀಗಾಗಿ ಇದರ ಕೀಟನಾಶಕ ವಿಭಾಗದ ಅಭಿಪ್ರಾಯದೊಂದಿಗೆ ಸಿಂಪಡಣೆ ನಡೆಯಲಿದೆ.

ಈ ಡ್ರೋನ್​ ಅಪರೇಟರ್ ಮಾಡುವ ವಿಚಾರಕ್ಕೆ ತರಬೇತಿ ಅವಶ್ಯಕತೆಯಿದ್ದು, ಲೈಸನ್ಸ್ ಪಡೆಯಬೇಕಿದೆ. ಕೃಷಿ ವಿವಿಯ ಇಬ್ಬರಿಗೆ ಅಪರೇಟಲ್ ತರಬೇತಿ ನೀಡಲಾಗಿದ್ದು, ಲೈಸನ್ಸ್​ ಸಹ ಪಡೆಯಲಾಗಿದೆ.

ಒಟ್ಟಿನಲ್ಲಿ, ರಾಯಚೂರು ಕೃಷಿ ವಿವಿಯ ಕೃಷಿ ತಾಂತ್ರಿಕ ಮಹಾವಿದ್ಯಾಲಯ ರಾಜ್ಯದಲ್ಲಿ ಕೃಷಿ ಕ್ಷೇತ್ರಕ್ಕೆ ಹೈಟೆಕ್​ ಸ್ಪರ್ಶ ನೀಡಲು ಮುಂದಾಗಿದೆ. ರಾಷ್ಟ್ರೀಯ ಕೃಷಿ ವಿಕಾಸ ಯೋಜನೆಯ ‌ಅನುದಾಡಿಯಲ್ಲಿ ಸಿದ್ಧಗೊಂಡಿರುವ ಪ್ರಸಕ್ತ ಮುಂಗಾರು ಹಂಗಾಮಿ ರೈತರು ಹೊಲದಲ್ಲಿ ಪ್ರಾತ್ಯಕ್ಷಿಕೆ ಅನುಮತಿ ದೊರೆತಿದ್ದು, ಇದರಲ್ಲಿ ಯಶಸ್ಸು ಕಾಣುತ್ತಾ ಎನ್ನುವುದನ್ನು ಕಾದು ನೋಡಬೇಕಿದೆ.