ವೈಟಿಪಿಎಸ್ ಪವರ್​ ಮ್ಯಾಕ್​​​ಗೆ ವಹಿಸಲು ಮುಖ್ಯ ಇಂಜಿನಿಯರ್ ಪತ್ರ: ಆತಂಕದಲ್ಲಿ ಕಾರ್ಮಿಕರು

ಪ್ರತಿಷ್ಠಿತ ವಿದ್ಯುತ್​ ಉತ್ಪಾದನಾ ಸ್ಥಾವರ ವೈಟಿಪಿಎಸ್​​ನ ಕಾರ್ಯ ನಿರ್ಹಹಣೆ ಗುತ್ತಿಗೆಯನ್ನು ಹೈದರಾಬಾದ್​ ಮೂಲದ ಕಂಪನಿಗೆ ವಹಿಸಲು ಮುಖ್ಯ ಇಂಜಿನಿಯರ್​ ಖಾಸಗಿ ಕಂಪನಿಗೆ ಪತ್ರ ಬರೆದಿದ್ದಾರೆ.

ರಾಯಚೂರು: ಯರಮರಸ್ ಸೂಪರ್ ಕ್ರಿಟಿಕಲ್ ಪವರ್ ಸ್ಟೇಷನ್ (ವೈಟಿಪಿಎಸ್) ಅನ್ನು ಹೈದರಾಬಾದ್​​ ಮೂಲದ ಖಾಸಗಿ ಕಂಪನಿಗೆ (ಪವರ್ ಮ್ಯಾಕ್ ಕಂಪನಿಗೆ) ವಹಿಸಲು ನಿರ್ಧರಿಸಿ. ಆ ಕಂಪನಿಗೆ ಮುಖ್ಯ ಇಂಜಿನಿಯರ್​​​ ಪತ್ರ ಬರೆದಿದ್ದಾರೆ. ಇದರಿಂದ ಸಾವಿರಾರು ಕಾರ್ಮಿಕರಲ್ಲಿ ಆತಂಕ ಎದುರಾಗಿದೆ.

ಯರಮರಸ್ ಹೊರವಲಯದಲ್ಲಿ ಆತ್ಯಾಧುನಿಕ ಶೈಲಿಯ 800 ಮೆಗಾವ್ಯಾಟ್ ವಿದ್ಯುತ್ ಉತ್ಪಾದಿಸುವ 2 ಘಟಕಗಳನ್ನು ಸ್ಥಾಪಿಸಲಾಗಿದೆ. 8 ಸಾವಿರ ಕೋಟಿ ರೂ. ಮೊತ್ತದ ಯೋಜನೆ ಇದಾಗಿದೆ. ಆದರೆ, ನಿರ್ಮಾಣದ ವೆಚ್ಚ ಈಗ 8 ಸಾವಿರ ಕೋಟಿಯಿಂದ ₹13 ಸಾವಿರ ಕೋಟಿಗೆ ಏರಿಕೆಯಾಗಿದ್ದು ನಿರ್ವಹಣೆ ದುಸ್ತರವಾಗಿದೆ.

ಮುಖ್ಯ ಅಭಿಯಂತರು ಬರೆದ ಪತ್ರ

ಇನ್ನು ನೀಡಿದ ಭರವಸೆಯಂತೆ ಭೂಮಿ ಕೊಟ್ಟವರಿಗೆ ಉದ್ಯೋಗ ನೀಡಿಲ್ಲ. ಹೀಗಾಗಿ ಸರ್ಕಾರ ಕಳೆದ ವರ್ಷ ಇದೇ ಪವರ್ ಮ್ಯಾಕ್ ಕಂಪನಿಗೆ ವೈಟಿಪಿಎಸ್​​ ಅನ್ನು ವಹಿಸಲು ಮುಂದಾದಾಗಿತ್ತು. ಆಗ ಕಾರ್ಮಿಕರು, ಸ್ಥಳೀಯರು ಪ್ರತಿಭಟನೆ ನಡೆಸಿದ್ದರು. ಆಗ ನಿರ್ಧಾರವನ್ನು ಕೈಬಿಡಲಾಗಿತ್ತು. ಇದೀಗ ಮತ್ತೆ ಅದೇ ನಿರ್ಧಾರಕ್ಕೆ ಸರ್ಕಾರ ಬಂದಿದೆ. ಇದು ಕಾರ್ಮಿಕರಲ್ಲಿ ಮತ್ತೆ ಆತಂಕ ಶುರುವಾಗುವಂತೆ ಮಾಡಿದೆ.