ವಾಟರ್​​ ಟ್ಯಾಂಕ್​ನಲ್ಲಿ ಬಿದ್ದು ಕೋತಿಗಳು ಸಾವು... ಅದೇ ನೀರು ಕುಡಿದ ಗ್ರಾಮಸ್ಥರು ಅಸ್ವಸ್ಥ

ಟ್ಯಾಂಕ್​ನಲ್ಲಿದ್ದ ನೀರು ಕುಡಿಯಲು ಹೋಗಿ 5 ಕೋತಿಗಳು ಸಾವನ್ನಪ್ಪಿವೆ. ಇದೇ ನೀರನ್ನು ಕುಡಿದಿರುವ ಗ್ರಾಮಸ್ಥರು ವಾಂತಿ-ಭೇದಿಯಿಂದ ಅಸ್ವಸ್ಥರಾಗಿದ್ದಾರೆ. ಬಳಿಕ ನೀರಿನ ಟ್ಯಾಕ್​ ಪರಿಶೀಲಿಸಿ, ಕೋತಿಗಳ ಮೃತದೇಹವನ್ನು ಹೊರತೆಗೆಯಲಾಗಿದೆ.

ರಾಯಚೂರು: ಕುಡಿಯುವ ನೀರಿನ ಟ್ಯಾಂಕ್​ನಲ್ಲಿ 5 ಕೋತಿಗಳು ಬಿದ್ದು ಸಾವನ್ನಪ್ಪಿರುವ ಘಟನೆ ಜೆ. ಮಲ್ಲಾಪುರ ಗ್ರಾಮದಲ್ಲಿ ಘಟನೆ ನಡೆದಿದೆ.

ಗ್ರಾಮಕ್ಕೆ ನೀರು ಪೂರೈಕೆಯಾಗುವ ಟ್ಯಾಂಕ್ ಬಳಿ ನೀರು ಕುಡಿಯಲು ಹೋದಾಗ ಟ್ಯಾಂಕ್​ನಲ್ಲಿ ಬಿದ್ದು ಕೋತಿಗಳು ಅಸುನೀಗಿವೆ. ಗ್ರಾಮಸ್ಥರಿಗೆಲ್ಲ ಕುಡಿಯುವುದಕ್ಕೆ ಇದೇ ನೀರು ಪೂರೈಕೆಯಾಗುವುದರಿಂದ ಕೆಲವರಿಗೆ ವಾಂತಿ-ಭೇದಿ ಶುರುವಾಗಿದೆ. ಇದರಿಂದ ಗಾಬರಿಗೊಂಡ ಜನರು ನೀರಿನ ಟ್ಯಾಂಕ್ ಪರಿಶೀಲಿಸಿದಾಗ ಕೋತಿಗಳು ಮೃತಪಟ್ಟಿರುವುದು ಬೆಳಕಿಗೆ ಬಂದಿದೆ.

ಕೋತಿಗಳನ್ನ ಹೊರ ತೆಗೆದು ನೀರಿನ ಟ್ಯಾಂಕ್ ಸ್ವಚ್ಛಗೊಳಿಸಲಾಗಿದೆ ಎಂದು ಗ್ರಾಮಸ್ಥರು ತಿಳಿಸಿದ್ದಾರೆ.