ಮಹಾಪೌರರಾದವರೇ ಕಣ್ಮರೆಯಾಗುವುದು ಬಹಳ ನೋವಿನ ಸಂಗತಿ: ವಿ ಸೋಮಣ್ಣ

ಕಾನೂನಿಗಿಂತ ಯಾರೂ ದೊಡ್ಡವರಲ್ಲ ಎಂಬುದನ್ನು ಮಹಾಪೌರರು ಅರ್ಥ ಮಾಡಿಕೊಳ್ಳಬೇಕಿತ್ತು. ಅವರು ಈ ರೀತಿಯಾಗಿ ನಡೆದುಕೊಳ್ಳಬಾರದಿತ್ತು ಎಂದು ಸಚಿವ ವಿ ಸೋಮಣ್ಣ ಹೇಳಿದ್ದಾರೆ.

ರಾಯಚೂರು: ಮಹಾಪೌರರಾದವರೇ ಕಣ್ಮರೆಯಾಗುವುದು ಬಹಳ ನೋವಿನ ಸಂಗತಿ ಹೀಗಾಗಬಾರದಿತ್ತು ಎಂದು ಸಚಿವ ವಿ.ಸೋಮಣ್ಣ ಹೇಳಿದ್ದಾರೆ. ಇವತ್ತು ಅವರ ಬಂಧನವಾಗಿದೆ. ಅವರು ತಲೆ ಮಾರಿಸಿಕೊಂಡ ತಿರುಗಾಡಬಾರದಿತ್ತು, ಈ ರೀತಿಯಾಗಿ ನಡೆದುಕೊಳ್ಳಬಾರದಿತ್ತು. ಅವರ ಬಂಧನದಿಂದ ಪೊಲೀಸರ ದಕ್ಷತೆ ಎದ್ದು ಕಾಣುತ್ತಿದೆ ಎಂದಿದ್ದಾರೆ.

ಇನ್ನು ಸಚಿವ ಸಂಪುಟ ಕುರಿತು ಪ್ರತಿಕ್ರಿಯಿಸಿ,ಶಾಸಕರಾದ ಡಾ.ಶಿವರಾಜ್ ಪಾಟೀಲ್, ಕೆ.ಶಿವನಗೌಡ ನಾಯಕ ಇಬ್ಬರೂ ಸಹ ಮಂತ್ರಿಗಳಾಗಲು ಅರ್ಹರಿದ್ದಾರೆ. ಇದನ್ನು ಬಿಜೆಪಿ ಹೈಕಮಾಂಡ್ ತೀರ್ಮಾನ ಮಾಡಲಿದೆ ಎಂದರು.

ಮರಾಠ ಅಭಿವೃದ್ಧಿ ಪ್ರಾಧಿಕಾರ ಸ್ಥಾಪನೆ ವಿಚಾರಕ್ಕೆ ಪ್ರತಿಕ್ರಿಯೆಸಿ, ಆ ಸಮಾಜದ ಅಭಿವೃದ್ಧಿಗಾಗಿ ಪ್ರಾಧಿಕಾರ ರಚಿಸಲಾಗಿದೆ. ಇದರಿಂದ ಮರಾಠಿಗರ ಓಲೈಕೆ ಎನ್ನಲು ಸಾಧ್ಯವಿಲ್ಲ. ಗಡಿಯಲ್ಲಿರುವವರಿಗೆ ಅನುದಾನ ನೀಡಲಾಗಿದೆ ಎಂದರು.

ಈ ವೇಳೆ ಶಾಸಕರಾದ ಡಾ.ಶಿವರಾಜ್ ಪಾಟೀಲ್, ಕೆ.ಶಿವನಗೌಡ ನಾಯಕ ಇತರರಿದ್ದರು.