ರಾಯಚೂರು: ಕೃಷ್ಣಾ ನದಿಯಲ್ಲಿ ಕೆಪಿಸಿಎಲ್‌ನಿಂದ ನಿರ್ಮಿಸಿರುವ ಗುರ್ಜಾಪುರ ಬ್ರಿಡ್ಜ್ ಕಂ ಬ್ಯಾರೇಜ್ ಬಳಿ ವ್ಯಕ್ತಿಯೋರ್ವ ಕ್ರೇನ್‌ನ ಸಹಾಯದಿಂದ ಬ್ರಿಡ್ಜ್ ಗೇಟ್ ತೆರೆಯುವ ಯತ್ನ ನಡೆಸಿರುವ ದೃಶ್ಯ ಸೆರೆಯಾಗಿದೆ.
ನೀರಿನ ರಭಸದ ನಡುವೆಯೂ ಬ್ರಿಡ್ಜ್ ಗೇಟ್ ತೆರೆಯುವ ಯತ್ನ
ತಾಲೂಕಿನ ಗುರ್ಜಾಪುರ ಗ್ರಾಮದ ಹತ್ತಿರ ಕೆಪಿಸಿಎಲ್‌ನಿಂದ ನಿರ್ಮಿಸಲಾಗಿರುವ ಗೇಟ್ಗಳನ್ನು ಮುಂಜಾಗ್ರತಾ ಕ್ರಮವಾಗಿ ತೆಗೆಯಬೇಕಾಗಿತ್ತು. ಸುಮಾರು 100 ಕ್ಕೂ ಹೆಚ್ಚಿರುವ ಗೇಟ್‌ಗಳ ಪೈಕಿ ಕೆಲವೇ ಗೇಟ್ಗಳನ್ನು ತೆಗೆಯಲಾಗಿತ್ತು. ಇನ್ನುಳಿದ ಗೇಟ್ಗಳನ್ನು ಹಾಗೆಯೇ ಬಿಡಲಾಗಿತ್ತು. ಹೀಗಾಗಿ, ಕೆಪಿಸಿಎಲ್ ಅಧಿಕಾರಿಯೊಬ್ಬರು ಕ್ರೇನ್ ತರಿಸಿ, ಅದರಲ್ಲಿ ಯುವಕನನ್ನು ಕಳುಹಿಸಿ ಗೇಟ್ ತೆಗೆಯಲು ಮುಂದಾಗಿದ್ದಾರೆ. ಆದರೆ ನೀರಿನ ರಭಸಕ್ಕೆ ಹೆದರಿದ ಯುವಕ ಗೇಟ್ ತೆರೆಯಲು ಹಿಂದೇಟು ಹಾಕಿದ್ದಾನೆ ಎಂದು ಹೇಳಲಾಗುತ್ತಿದೆ.