ಪೊಲೀಸ್ ಚೆಕ್​​ ಪೋಸ್ಟ್ ಕಟ್ಟಡಕ್ಕೆ ಲಾರಿ ಡಿಕ್ಕಿ.. ಚಾಲಕ ಸ್ಥಳದಲ್ಲೇ ಸಾವು

ಪೊಲೀಸ್ ಚೆಕ್​ ಪೋಸ್ಟ್​​ನ ಹಳೆ ಕಟ್ಟಡಕ್ಕೆ ಲಾರಿ ಡಿಕ್ಕಿಯಾಗಿ ಚಾಲಕ ಮೃತಪಟ್ಟಿದ್ದು, ಜೆಸಿಬಿ ಸಹಾಯದಿಂದ ಮೃತದೇಹ ಹೊರತೆಗೆಯಲಾಗಿದೆ.

ರಾಯಚೂರು:ಪೊಲೀಸ್ ಚೆಕ್​​ ಪೋಸ್ಟ್ ಕಟ್ಟಡಕ್ಕೆ ಲಾರಿಯೊಂದು ಡಿಕ್ಕಿ ಹೊಡೆದ ಪರಿಣಾಮ ಚಾಲಕ ಸ್ಥಳದಲ್ಲೇ ಸಾವನ್ನಪ್ಪಿರುವ ದಾರುಣ ಘಟನೆ ರಾಯಚೂರು ತಾಲೂಕಿನ ಶಕ್ತಿನಗರ 2ನೇ ಕ್ರಾಸ್ ಬಳಿ ನಡೆದಿದೆ.

ಲಾರಿ ಹೊಸಪೇಟೆಯಿಂದ ಹೈದರಾಬಾದ್‌ ಕಡೆ ತೆರಳುತ್ತಿತ್ತು. ಆದರೆ ಶಕ್ತಿನಗರದ 2ನೇ ಕ್ರಾಸ್ ಬಳಿಯಿರುವ ಪಾಳು ಬಿದ್ದಿರುವ ಹಳೆಯ ಪೊಲೀಸ್​​​ ಚೆಕ್ ಪೋಸ್ಟ್​ ಕಟ್ಟಡಕ್ಕೆ ಡಿಕ್ಕಿ ಹೊಡೆದಿದೆ. ಡಿಕ್ಕಿಯಾದ ರಭಸಕ್ಕೆ ಕಟ್ಟಡಕ್ಕೆ ಹಾನಿಯಾಗಿದ್ದು, ಚಾಲಕನ ದೇಹ ಎರಡು ತುಂಡಾಗಿದೆ. ಜೊತೆಗೆ ಲಾರಿಯಲ್ಲೇ ಮೃತದೇಹ ಸಿಲುಕಿತ್ತು. ಬಳಿಕ ಜೆಸಿಬಿ ಸಹಾಯದಿಂದ ಮೃತದೇಹ ಹೊರತೆಗೆಯಲಾಗಿದೆ.

ಶಕ್ತಿನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.

ಓದಿ:ಶಿವಮೊಗ್ಗದಲ್ಲಿ ಯುವಕನ ಬರ್ಬರ ಹತ್ಯೆ: ಮೃತದೇಹ ಚರಂಡಿಗೆ ಬಿಸಾಡಿದ ದುಷ್ಕರ್ಮಿಗಳು