ಲಿಂಗಸುಗೂರು ಉಪ ನೋಂದಣಾಧಿಕಾರಿ ಕಚೇರಿ ಸೀಲ್​​​ಡೌನ್

ಕೋವಿಡ್ ಸೋಂಕಿತನ ಪ್ರಾಥಮಿಕ ಸಂಪರ್ಕ ಹೊಂದಿದ್ದ ವ್ಯಕ್ತಿಯೊಬ್ಬ ಬಂದು ಹೋಗಿದ್ದರಿಂದ ಲಿಂಗಸುಗೂರು ಉಪ ನೋಂದಣಾಧಿಕಾರಿ ಕಚೇರಿ ಸೀಲ್ ಡೌನ ಮಾಡಲಾಗಿದೆ.

ಲಿಂಗಸುಗೂರು: ರಾಯಚೂರು ಜಿಲ್ಲೆಯ ಲಿಂಗಸುಗೂರು ಉಪ ನೋಂದಣಾಧಿಕಾರಿ ಕಚೇರಿಗೆ ಕೋವಿಡ್ ಸೋಂಕಿತನ ಪ್ರಾಥಮಿಕ ಸಂಪರ್ಕ ಹೊಂದಿದ್ದ ವ್ಯಕ್ತಿಯೊಬ್ಬ ಬಂದು ಹೋಗಿದ್ದರಿಂದ ಸೀಲ್​​ಡೌನ್​​ ಮಾಡಲಾಗಿದೆ.

ಲಿಂಗಸುಗೂರು ತಾಲೂಕಿನ ಮುದಗಲ್ಲ(ಮೇಗಳಪೇಟೆ) ಕೋವಿಡ್ ಪೀಡಿತೆ ಸಂಬಂಧಿ 4 ದಿನಗಳ ಹಿಂದೆ ಉಪ ನೋಂದಣಾಧಿಕಾರಿ ಕಚೇರಿಗೆ ಆಗಮಿಸಿ ದಾಖಲೆ ಒಂದಕ್ಕೆ ರುಜು ಹಾಕಿರುವುದು ಟ್ರಾವಲಿಂಗ್ ಹಿಸ್ಟರಿಯ ಆಧಾರದ ಮೇಲೆ ತಿಳಿದಿದೆ. ಹಾಗಾಗಿ ರಾಸಾಯನಿಕ ದ್ರಾವಣ ಸಿಂಪಡಣೆ ಮಾಡಿ ಕಚೇರಿಯನ್ನು ಸೀಲ್​ಡೌನ್​ ಮಾಡಲಾಗಿದೆ.

ಮೇಗಳಪೇಟೆ ಮತ್ತು ಅಡವಿಭಾವಿ ತಾಂಡಾ ಕೋವಿಡ್ ಸೋಂಕಿತರು ತಾಲೂಕಿನ ಕೆಲ ಖಾಸಗಿ ಆಸ್ಪತ್ರೆಗೆ ಚಿಕಿತ್ಸೆಗೆ ಹೋಗಿದ್ದರು. ಆ ಆಸ್ಪತ್ರೆಗಳನ್ನು ಸೀಕ್ ಡೌನ್ ಮಾಡುತ್ತಾರೋ ಇಲ್ಲವೊ ಎಂಬುದರ ಬಗ್ಗೆ ಸ್ಪಷ್ಟ ಮಾಹಿತಿಯಿಲ್ಲ.