ರಾಯಚೂರು: ಕಾರ್ಮಿಕರ ವಿವಿಧ ಬೇಡಿಕೆ ಈಡೇರಿಸುವಂತೆ ಒತ್ತಾಯಿಸಿ ಇಲ್ಲಿನ ಶಕ್ತಿನಗರದ ಆರ್ಟಿಪಿಎಸ್ ಕೇಂದ್ರದ 8ನೇ ಯೂನಿಟ್‌ನ ಎತ್ತರದ ಚಿಮಣಿ ಮೇಲೆ ಏರಿ ಗುತ್ತಿಗೆ ಕಾರ್ಮಿಕ ಬಳಿಕ ಕಂಪನಿಯು ಭರವಸೆ ನೀಡಿದ ಹಿನ್ನೆಲೆಯಲ್ಲಿ ಕೆಳಗಿಳಿದಿದ್ದಾನೆ.
ಸಣ್ಣ ಸೂಗಪ್ಪ ಎಂಬ ಗುತ್ತಿಗೆ ಕಾರ್ಮಿಕ ಚಿಮಿಣಿ ಮೇಲೇರಿ ಪ್ರತಿಭಟನೆ ನಡೆಸಿದವ. ಕೆಳಗಡೆ ಇಳಿಯುವಂತೆ ಹಲವು ಮನವಿ ಮಾಡಿದರೂ, ಕಾರ್ಮಿಕರ ಬೇಡಿಕೆ ಈಡೇರುವವರೆಗೂ ಪ್ರತಿಭಟನೆ ಕೈಬಿಡುವುದಿಲ್ಲ ಎಂದು ಹಠ ಹಿಡಿದಿದ್ದ. ಕಾರ್ಮಿಕನ ಪ್ರತಿಭಟನೆಗೆ ಸಾವಿರಾರು ಕಾರ್ಮಿಕರು ಬೆಂಬಲ ವ್ಯಕ್ತಪಡಿಸಿದ್ದರು. ಬಳಿಕ ಗುತ್ತಿಗೆ ಕಾರ್ಮಿಕರ ಬೇಡಿಕೆ ಈಡೇರಿಸುವ ಬಗ್ಗೆ ಅ.27ರಂದು ಸಭೆ ನಡೆಸುವ ಕುರಿತು ಲಿಖಿತ ರೂಪ ಪತ್ರ ನೀಡಿದ ಬಳಿಕ ಕಾರ್ಮಿಕ ಚಿಮಣಿಯಿಂದ ಕೆಳಗಡೆ ಇಳಿದಿದ್ದಾನೆ.
ಕಾರ್ಮಿಕರ ಬೇಡಿಕೆಯನ್ನು ಈಡೇರಿಸುವಂತೆ ಚಿಮಿಣಿ ಏರಿ ಪ್ರತಿಭಟನೆ ನಡೆಸಿದ ಕಾರ್ಮಿಕ