ವಿದ್ಯುತ್​ ಪ್ರವಹಿಸಿ ಮಹಿಳೆ ಹಾಗೂ ಎಮ್ಮೆ ಸಾವು

ವಿದ್ಯುತ್​ ಪ್ರವಹಿಸಿ ಮಹಿಳೆ ಹಾಗೂ ಎಮ್ಮೆ ಸಾವನ್ನಪ್ಪಿರುವ ಘಟನೆ ರಾಯಚೂರು ಜಿಲ್ಲೆಯ ದೇವದುರ್ಗ ತಾಲೂಕಿನ ದೊಂಡಂಬಳಿ ಗ್ರಾಮದಲ್ಲಿ ಬಳಿ ನಡೆದಿದೆ.

ರಾಯಚೂರು: ವಿದ್ಯುತ್ ಪ್ರವಹಿಸಿ ಮಹಿಳೆ ಹಾಗೂ ಎಮ್ಮೆ ಸಾವನ್ನಪ್ಪಿರುವ ಘಟನೆ ದೇವದುರ್ಗ ತಾಲೂಕಿನ ದೊಂಡಂಬಳಿ ಗ್ರಾಮದಲ್ಲಿ ಬಳಿ ನಡೆದಿದೆ.

ಬಸಮ್ಮ(50) ಮೃತ ಮಹಿಳೆ. ನಿನ್ನೆ ಎಂದಿನಂತೆ ಬಸಮ್ಮ ದನ‌ ಕಾಯಲು ತೆರಳಿದ್ದಳು. ಈ ವೇಳೆ ಗ್ರಾಮದ ಹೊರವಲಯದಲ್ಲಿ ಬೋರ್​ವೆಲ್​ಗೆ ಸಂಪರ್ಕ ನೀಡಿರುವ ವಿದ್ಯುತ್ ತಂತಿ ಕಟ್ ಆಗಿ ನೀರು ನಿಂತಿದ್ದ ಹೊಲಕ್ಕೆ ಬಿದ್ದಿತ್ತು. ಇನ್ನು ಈ ವೇಳೆ ಎಮ್ಮೆ ನೀರು ಕುಡಿಯಲು ಹೋಗಿದ್ದು, ವಿದ್ಯುತ್​ ಪ್ರವಹಿಸಿ ಒದ್ದಾಡುತ್ತಿತ್ತು. ಇದನ್ನು ಕಂಡ ಬಸಮ್ಮ ಏನಾಯಿತೆಂದು ನೋಡಲು ಹೋಗಿದ್ದಾಳೆ. ಆದರೆ ಆಕೆಯೂ ಸಹ ವಿದ್ಯುತ್ ಸ್ಪರ್ಶಗೊಂಡು ಸ್ಥಳದಲ್ಲಿಯೇ ಮೃತಪಟ್ಟಿದ್ದಾಳೆ.

ಸದ್ಯ ಘಟನೆ ಸಂಬಂಧ ದೇವದುರ್ಗ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.