ಮನೆಗೆ ತಂದು ಬಿಟ್ಟ ಶಾಲಾ ವಾಹನವೇ ತೆಗೆಯಿತು ಬಾಲಕನ ಜೀವ

ಶಾಲಾ ವಾಹನ ಹರಿದು ಬಾಲಕ ಸಾವನ್ನಪ್ಪಿರುವ ಘಟನೆ ರಾಯಚೂರು ಜಿಲ್ಲೆಯ ನಡೆದಿದೆ.

ರಾಯಚೂರು:ಶಾಲಾ ವಾಹನ ಹರಿದು ಬಾಲಕ ಸಾವನ್ನಪ್ಪಿರುವ ಘಟನೆ ರಾಯಚೂರು ಜಿಲ್ಲೆಯ ನಡೆದಿದೆ.

ಜಿಲ್ಲೆಯ ದೇವದುರ್ಗ ತಾಲೂಕಿನ ಯರಗುಡ್ಡ ಗ್ರಾಮದ ಬಳಿ ಈ ದುರ್ಘಟನೆ ಜರುಗಿದೆ. ಕೃಷ್ಣ ಪರುಶುರಾಮ್ ನಾಯಕ (6) ಮೃತ ಬಾಲಕ.

ವೀರಗೋಟ ಗ್ರಾಮದಲ್ಲಿ ಶಾಲೆ ಮುಗಿದ ನಂತರ ಗ್ರಾಮಕ್ಕೆ ಕರೆ ತಂದು ಬಿಟ್ಟ ಬಸ್​ನಿಂದಲೇ ಅವಘಡ ಸಂಭವಿಸಿದೆ. ಕೃಷ್ಣನನ್ನು ಬಿಟ್ಟು ಹೋಗುವಾಗ ಬಸ್​ನ ಗಾಲಿಗೆ ಸಿಲುಕಿ ಮೃತಪಟ್ಟಿದ್ದಾನೆ ಎಂದು ಹೇಳಲಾಗುತ್ತಿದೆ.

ಬಾಲಕನ ತಂದೆ ಪರಶುರಾಮ್ ನಾಯಕ, ಜಾಲಹಳ್ಳಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಮಗನ ಕಳೆದುಕೊಂಡ ಪೊಷಕರ ಆಕ್ರಂದನ ಮುಗಿಲು ಮುಟ್ಟಿದೆ.