ಸೇಡಂ: ಧಾರಾಕಾರ ಮಳೆಗೆ ನೆಲಕ್ಕುರುಳಿದ 9 ಮನೆಗಳು

ಸೇಡಂನಲ್ಲಿ ಸುರಿದ ಧಾರಾಕಾರ ಮಳೆಗೆ ಜನಜೀವನ ಅಸ್ತವ್ಯಸ್ತಗೊಂಡಿದ್ದು, ತಾಲೂಕಿನಲ್ಲಿ ಒಟ್ಟು 9 ಮನೆಗಳು ಕುಸಿದಿವೆ.

ಸೇಡಂ:ತಾಲೂಕಿನಲ್ಲಿ ಸುರಿದ ಧಾರಾಕಾರ ಮಳೆಗೆ ಜನಜೀವನ ಅಸ್ತವ್ಯಸ್ತವಾಗಿದ್ದು, ರಾಜೀವ್​​ನಗರ, ಕುಕ್ಕುಂದ, ಅರೆಬೊಮ್ನಳ್ಳಿ, ಬಟಗೇರಾ (ಕೆ), ಬಟಗೇರಾದಲ್ಲಿ (ಬಿ) ಸೇರಿದಂತೆ ಕೆಲವೆಡೆ 9 ಮನೆಗಳು ನೆಲಕ್ಕುರುಳಿವೆ.

ಹಲವು ಮನೆಗಳಿಗೆ ನೀರು ನುಗ್ಗಿ ಅವಾಂತರ ಸೃಷ್ಟಿಸಿದ್ದು, ಮನೆಯಲ್ಲಿದ್ದ ಧವಸ ಧಾನ್ಯಗಳು ನೀರುಪಾಲಾದವು. ತಹಶೀಲ್ದಾರ್​​ ಬಸವರಾಜ್​ ಬೆಣ್ಣೆಶಿರೂರ ಅವರು ಸ್ಥಳ ಪರಿಶೀಲನೆ ನಡೆಸಿದರು.

ಜಿಲ್ಲಾಧಿಕಾರಿಗಳು ಮತ್ತು ಶಾಸಕ ರಾಜಕುಮಾರ ಪಾಟೀಲ ತೇಲ್ಕೂರ ಅವರು ಜನರಿಗಾದ ಸಮಸ್ಯೆಗಳಿಗೆ ಪರಿಹಾರ ಕಲ್ಪಿಸುವ ಸಂಬಂಧ ಶೀಘ್ರ ಕ್ರಮ ಕೈಗೊಳ್ಳುವುದಾಗಿ ತಿಳಿಸಿದ್ದಾರೆ ಎಂದು ತಹಶೀಲ್ದಾರರು ಭರವಸೆ ನೀಡಿದರು.